Беларуска Дар'я расказала, чаму прынцыпова не пайшла рабіць ЭКА бясплатна. Колькі ў выніку заплаціла?

Колькі гэта каштавала і чаму сужэнцы адмовіліся ад адной бясплатнай працэдуры ЭКА, даступнай грамадзянам Беларусі, пайшоўшы адразу ў платную клініку?

Павялічыць

Сваёй гісторыяй Дар'я дзеліцца ў інстаграме.

Сям’я абрала для сябе сталічную клініку «Ева», у дзяржаўныя Дар'я не хацела ісці па прычыне няўдалых кантактаў з дактарамі адтуль, з якімі сутыкалася і яна сама, і яе знаёмыя.

«Як бы хто ні казаў, у дзяржаўных структурах стаўленне да цябе горшае і ўвагі менш. Дактары там добрыя, я ўпэўненая, але яны фізічна не даюць рады натоўпам людзей — пацыентаў там шмат, усе карыстаюцца гэтай адной даступнай бясплатнай спробай», — лічыць дзяўчына.

@dasha.gnedko Как вам сумма?) Мы правда были уверены , что меньше будет, по итогу как-то само накапало, но опять же, главное, чтобы все не зря Если потом будет какие-то еще расходы - буду делиться . #бесплодие#эко#спкя#спкя ♬ оригинальный звук - dasha.gnedko

Першы этап ЭКА-працэдуры — прыёмы ў рэпрадуктолага, мазкі і аналізы, УГД, стымуляцыя, пункцыя і падтрымка каардынатараў. Без уліку кошту прэпаратаў ён каштаваў пары 1390 рублёў. Гэта базавы, стандартны пакет у клініцы.

Асобна Дар’я вырашыла самастойна купіць іголку для пункцый (тая каштавала 110 беларускіх рублёў) і шпрыц-ручку для падскурных ін'екцый за 810 рублёў. Дадаткова спатрэбілася яшчэ адна ручка, з якой Дар’і пашчасціла, бо яе аддала іншая беларуска (на знак падзякі Дар’я купіла яе дзіцяці сертыфікат у краму «Дзіцячы свет»). Самі лекі для стымуляцыйных уколаў абышліся ў 270 рублёў.

«У дзень пункцыі трэба было аплаціць другі этап — культывацыю, апладненне, крыякансервацыю і будучую размарозку эмбрыёнаў. Гэта быў самыя вялікія выдаткі за ўсё ЭКА — 5100 рублёў».

Пасля пункцыі дзяўчыне спатрэбіліся дадатковыя прэпараты для стымуляцыі на 485 рублёў.

Павялічыць

«Па нашай ініцыятыве мы вырашылі зрабіць прэімплантацыйнае тэставанне эмбрыёнаў (праверка на генетычныя анамаліі яшчэ да пераносу ў матку). Тэставанне першага эмбрыёна ў клініцы каштуе 2100 рублёў, кожны наступны тэст — ужо 690 рублёў. Мы пакуль адправілі на тэставанне тры эмбрыёны, гэта выйшла на 3480 рублёў», — расказвае Дар’я.

У выніку за ўсю праграму і прэпараты пара аддала 11 705 рублёў.

«Мы, канечне, былі ўпэўнены, што менш грошай будзе, у выніку неяк само накапала, але зноў жа — галоўнае, каб усё недарэмна», — упэўненая Дар’я, яе падтрымлівае тут і муж, які, сярод іншага дапамагаў ёй рабіць уколы ў жывот.

• 1
• 0
• 0
• 0
• 4
• 0
• 0
• 1