«Hastryt — nie ad ježy». Minski hastraenterołah razburaje stereatypy
Hastryt nie ŭźnikaje ad ježy, chacia peŭnyja pradukty sapraŭdy mohuć vyklikać dyskamfort, zajaviła hałoŭny hastraenterołah Minska Volha Panies.
Siarod najbolš častych pytańniaŭ, jakija zadajuć pacyjenty, «ci možna najeści hastryt i ci treba abaviazkova štodnia jeści sup?» — raspaviadaje zahadčyca hastraenterełahičnaha adździaleńnia №1 10-j haradskoj kliničnaj balnicy Minska, hałoŭny pazaštatny hastraenterołah kamiteta pa achovie zdaroŭja Minharvykankama Olha Panies.
«Ja adkazvaju: hastryt najeści niemahčyma. A voś rasstrojstva kišečnika, boli ŭ žyvacie, ciažar, uzdutaść, adryžka — mohuć źjavicca paśla ŭžyvańnia praduktaŭ, što vyklikajuć pavyšanaje hazaŭtvareńnie. Heta, naprykład, pradukty z vysokim utrymańniem soli, klatčatki — kapusta, babovyja, soja. Tamu ich varta ŭžyvać u mieru abo vykarystoŭvać naturalnyja srodki dla źmianšeńnia hazaŭtvareńnia», — kaža śpiecyjalistka.
Što datyčycca supu, to mižnarodnyja rekamiendacyi nie źmiaščajuć abaviazkovaj umovy jaho štodzionnaha spažyvańnia.
Pavodle słoŭ Volhi Panies, balučyja adčuvańni, na jakija časta skardziacca pacyjenty paśla ježy, najčaściej źviazanyja z dyśpiepsijaj — niastraŭnaściu. Heta pačućcio dyskamfortu abo bolu ŭ vierchniaj častcy žyvata, jakoje supravadžajecca inšymi simptomami parušeńnia stravavańnia. Takim ludziam rajać abmiežavać užyvańnie vostrych straŭ, majanezu, kietčupu, fast-fudu i hazavanych napojaŭ.
«Čypsy, naprykład, majuć hrubuju strukturu i mohuć miechanična razdražniać ślizistuju abałonku, vyklikajučy dyskamfort», — kaža Panies.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary