Pratesty ŭ Indaniezii: zahinuli minimum troje, harać budynki rehijanalnych orhanaŭ ułady
Žychary Indaniezii vystupajuć suprać karupcyi i biednaści ŭ krainie.
U Džakarcie praciahvajucca pačatyja ŭ paniadziełak, 25 žniŭnia, akcyi pratestu suprać abvieščanych žyllovych dapamoh dla 580 deputataŭ parłamienta, jakija, pavodle mierkavańnia demanstrantaŭ, źjaŭlajucca nadta «raskošnymi», kali dadać ich da zarpłaty zakanadaŭcaŭ, pieradaje «Jeŭrańjuz».
Abvieščanaja suma žyllovaj dapamohi składaje 50 miljonaŭ rupij (2 600 jeŭra), što budzie dadadziena da ich zarpłaty, i ekvivalentnaja prykładna 20-razovamu minimalnamu miesiačnamu zarobku ŭ biednych rajonach krainy.
Rost cen na žyćcio i nizkija zarobki surjozna adbivajucca na Indaniezii. Nasielnictva ličyć palicyju i ŭrad karumpiravanymi, a krytyki śćviardžajuć, što novaja subsidyja nie tolki praźmiernaja, ale i biazdušnaja, uličvajučy rost padatkaŭ i biespracoŭja ŭ krainie.
U piatnicu pratestoŭcy prajšli maršam da štab-kvatery palicyi ŭ stalicy krainy Džakarcie, a niekatoryja pasprabavali ŭziać budynak šturmam. Palicyja ŭžyła vadamioty i ślozatačyvy haz, kab adciaśnić pratestoŭcaŭ, jakija kidali butelki i kamiani.
U rajonie Kvitanh u centry Džakarty pobač z palicejskim učastkam byŭ padpaleny piacipaviarchovy dom, u vyniku čaho niekalki čałaviek apynulisia zabłakavanymi ŭnutry. Niekatoryja studenty pierapynili pratesty, kab dapamahčy sałdatam i žycharam vyratavać zabłakavanych ludziej.
Inšyja pratestoŭcy źniščyli darožnyja znaki i inšyja abjekty infrastruktury, paralizavaŭšy ruch u hetym rajonie. Jany taksama napadali na palicejskija hruzaviki i patrulnyja mašyny, paškodzili niekalki dziaržaŭnych ustanoŭ, u vyniku čaho natoŭp pačaŭ hrabiažy i padpalvańnie aŭtamabilaŭ.
Kramy i handlovyja centry pablizu miescaŭ pratestaŭ u Džakarcie byli daterminova začynieny ź mierkavańniaŭ biaśpieki.
Pratesty raspaŭsiudzilisia na inšyja harady
Z nadychodam nočy sutyknieńni praciahvalisia i chutka raspaŭsiudzilisia pa horadzie i za jaho miežy, na inšyja miescy.
U Surabai, druhim pa vieličyni horadzie Indaniezii, pratestoŭcy ŭvarvalisia ŭ kompleks ofisa hubiernatara, razburyli aharodžy i padpalvali aŭtamabili. Siły biaśpieki ŭžyli ślozatačyvy haz i vadamioty, pratestoŭcy adbivalisia fiejervierkami i draŭlanymi pałkami.
Troje zahinułych i piaciora paranienych na pažary ŭ budynku miascovaj administracyi
Pratestoŭcy ŭ Bandunhu i Makasary padpalili budynki miascovych parłamientaŭ. Ratavalniki vyjavili try cieły ŭ subotu ranicaj, a piać čałaviek byli špitalizavanyja z apiokami i pierałomami paśla skačkoŭ z budynka, paviedamiŭ pradstaŭnik miascovaj słužby ratavańnia.
Pratestoŭcy ŭ byłych karaleŭskich haradach Džakjakarta i Soła patrabavali ahulnaj reformy palicyi i kanfiskacyi majomaści karumpavanych čynoŭnikaŭ. Jany padpalvali šyny i paškodzili budynak rehijanalnaha parłamienta.
Biesparadki ŭzmacnilisia paśla taho, jak u sacyjalnych sietkach źjaviłasia videa, na jakim zafiksavanaja śmierć kurjera padčas sutyknieńniaŭ u čaćvier, što šakavała i vyklikała pratest suprać sił biaśpieki.
21-hadovy Afan Kurnijavan, mierkavana, vykonvaŭ zakaz słužby dastaŭki ježy, kali apynuŭsia ŭ centry sutyknieńnia.
He was someone's son, grandson, sibling, cousin, friend.
His name was Affan Kurniawan.
He will forever be remembered.
pic.twitter.com/RSWin6Oudh
Śviedki raspaviali miascovamu telebačańniu, što braniravany aŭtamabil Nacyjanalnaj palicyi prajechaŭ skroź natoŭp pratestoŭcaŭ i źbiŭ chłopca, jaki ŭpaŭ. Zamiest taho kab spynicca, mašyna pierajechała jaho.
Tysiačy matacyklistaŭ, a taksama pravaabaroncy i palityki pryniali ŭdzieł u pachavańni Kurnijavana ŭ piatnicu. Jany zapoŭnili vialikuju kalcavuju raźviazku ŭ centry horada i razyšlisia pa asnoŭnych mahistralach.
Prezident Indaniezii zaklikaje da spakoju
Prezident Prabova Subijana zaklikaŭ da spakoju i vykazaŭ svaje spačuvańni ŭ vystupie pa telebačańni. Jon admianiŭ zapłanavany vizit u Kitaj praz eskałacyju pratestaŭ pa ŭsioj krainie.
«Ja hłyboka ŭzrušany i zasmučany hetym incydentam», — skazaŭ Subijana. — Ja byŭ šakavany i rasčaravany praźmiernymi dziejańniami aficeraŭ».
Ułady paćvierdzili, što siem členaŭ atrada palicejskich mašyn, źviazanych ź incydentam, byli aryštavanyja i dapytanyja. Adnak kiroŭca braniravanaj mašyny pakul nibyta nie identyfikavany.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary