Na pałatnie vialikich pamieraŭ Šahał zachavaŭ svajo bačańnie rasijskich padziej 1917 hoda. Karcinu acanili ŭ 1,2‑1,8 młn. funtaŭ.
Karcina Marka Šahała «Revalucyja», jakaja raniej nikoli nie ekspanavałasia, stanie top‑łotam tarhoŭ žyvapisam impresijanizmu i madernizmu na aŭkcyjonie Bonhams. Tarhi projduć 22 červienia ŭ Łondanie.
Na pałatnie vialikich pamieraŭ Šahał adlustravaŭ svajo bačańnie rasijskich padziej 1917 hoda. Na karcinie pakazanyja i revalucyjnyja sałdaty, i scenki z žyćcia abyvacielaŭ. Na pałatnie prysutničajuć i «firmiennyja znaki» Šahała: vyjava šlubnaj pary i kazy.
Pieršapačatkova ličyłasia, što «Revalucyja» była stvorana ŭ 1937 hodzie, adnak Paryžski kamitet Šahała pravioŭ navukovyja daśledavańni i zaznačaje, što mastak namalavaŭ karcinu ŭ 1968 hodzie. Akazałasia, što pavodle piersanažaŭ, kalarovaj hamy i kampazicyi praca padobnaja da inšych karcin Šahała taho pieryjadu, naprykład «Vajny» (1966).
Šahał vielmi lubiŭ svaju karcinu i zachoŭvaŭ jaje ŭ siabie doma ŭ francuzskim San‑Pol‑de‑Vansie da samaj śmierci ŭ 1985 hodzie. Pavodle zajavy Kamiteta Šahała, mastak razhladaŭ «Revalucyju» jak kvintesencyju svajoj tvorčaści.
Karcinu acanili ŭ 1,2‑1,8 młn. funtaŭ.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary