Z 1 vieraśnia 2025 hoda ŭ biełaruskich škołach dziejničaje zabarona na vykarystańnie mabilnych telefonaŭ padčas urokaŭ jak dla vučniaŭ, tak i dla nastaŭnikaŭ. Adnak zastavałasia adkrytym pytańnie pra smart-hadzińniki.
Ministerstva adukacyi dało aficyjnaje tłumačeńnie:
«Pastanova №136 nie raspaŭsiudžvajecca na vykarystańnie smart-hadzińnikaŭ (razumnych hadzińnikaŭ)».
Takim čynam, takija hadzińniki školnikam možna nasić i karystacca imi. Raniej infarmacyja pra zabaronu vyklikała vialikaje abureńnie z boku baćkoŭ dziaciej.
Zajaŭlenaja meta ŭviadzieńnia zabarony na telefony ŭ škole — stvaryć bolš spryjalnaje asiarodździe dla navučańnia: źnizić faktary, jakija adciahvajuć uvahu, pavysić kancentracyju na ŭroku, palepšyć paśpiachovaść, źmienšyć vypadki bulinhu i kibierbulinhu, a taksama padšturchnuć dziaciej da bolšaj aktyŭnaści na pierapynkach i zachavańnia zdaroŭja.
U dakumiencie taksama praduhledžanyja vyklučeńni. Dzieci, jakim nieabchodna karystacca mabilnymi pryładami pa miedycynskich pakazańniach, mohuć atrymać dazvoł. Akramia taho, płanšety i elektronnyja knihi zamiest papiarovych padručnikaŭ možna vykarystoŭvać u vypadku prablem z aporna-ruchalnym aparatam ci inšych chvarob, kali treba źmienšyć vahu školnaha zaplečnika.
Pry hetym płanšety i «elektronki» pavinny być biez dostupu da internetu i biez funkcyj mabilnaj suviazi. Čas vykarystańnia takich pryład maje być abmiežavany ŭ adpaviednaści z sanitarna-epidemijałahičnymi normami.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary