Hałoŭny ideołah raskazaŭ, jak prapahandystam daviadziecca pracavać paśla sustrečy z Łukašenkam
Pieršy namieśnik kiraŭnika administracyi Łukašenki Uładzimir Piarcoŭ raskazaŭ pra zadačy ŭ ideałahičnaj pracy, jakija pastaviŭ Alaksandr Łukašenka na sustrečy ź ideałahičnym aktyvam, historykami i ekśpiertami, pryśviečanaj «Dniu narodnaha adzinstva».
Pa słovach Piarcova, udzielniki sustrečy vykazvali roznyja dumki i chacieli pačuć mierkavańnie Łukašenki pa roznych pytańniach. Što tyčycca ideałahičnaj raboty, to Piarcoŭ padkreśliŭ, što da jaje ŭžo i raniej pryciahnuli ŭsich, kaho tolki možna:
«Heta nie tolki ideołahi, ideałahičnaja viertykal, ale i hramadskija abjadnańni, palityčnyja partyi, palitołahi, śpikiery».
Ciapier ža Łukašenka ŭsioj hetaj ideałahičnaj armii pastaviŭ novuju zadaču:
«Razmaŭlać ź ludźmi. Umieć vybudoŭvać stratehičnyja kamunikacyi, iści ŭ kalektyvy, iści na lubyja samyja navat niekamfortnyja placoŭki, na sustrečy ź ludźmi».
Prytym zadačy hetyja nie takija prostyja, bo akazałasia, što ideołahi pavinny nie tolki rabić vystupleńni, ale i ŭmieć adkazvać na ciažkija pytańni, havaryć pra realnyja prablemy ludziej, a nie prosta začytvać padrychtavany tekst.
Ludziej ža, jakija ŭ pryncypie zdolnyja pracavać tak, pa słovach Piarcova, zusim mała:
«Heta asablivy talent, štučny tavar».
Nibyta akurat ludzi z takim asablivym talentam siońnia i byli na sustrečy z Łukašenkam dy atrymali ad jaho nakazy. A ciapier:
«Ja dumaju, jany buduć tranślavacca ŭ ramkach sustreč, televizijnych prahram i inšych formaŭ u srodkach masavaj infarmacyi, kab maksimalnaja kolkaść ludziej była achoplenaja našaj praŭdaj i tymi naratyvami, jakija nam daručaje danieści prezident».
Piarcoŭ paskardziŭsia, što paśla niekatorych prapahandysckich lekcyj ludzi pierastajuć padtrymlivać uładu
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Łukašenka pra budučaha prezidenta: Ja pierabiraju mnohija asoby i baču — nu niemahčyma budzie heta paciahnuć
«Turmy byli zapoŭnienyja biełaruskimi patryjotami». Łukašenka abmalavaŭ u čornych farbach mižvajennuju Polšču
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary
«Heta asablivy talent, štučny tavar»."
ideoŁAHi - saparaŭdy štučny tavar