U Miorskim rajonie piensijaniera, jaki pajšoŭ u jahady, šukali piać dzion
U Miorskim rajonie pažyły mužčyna pajšoŭ u les pa jahady i źnik. Pra jaho źniknieńnie stała viadoma 14 vieraśnia, kali jaho brat źviarnuŭsia ŭ milicyju.
Da taho momantu mužčyna adsutničaŭ doma ŭžo try dni. Vyśvietliłasia, što apošni raz jaho bačyli na ściežcy, jakaja viadzie da bałota.
Na pošuki ŭ rajon vioski Małaja Kavaleŭščyna, akramia supracoŭnikaŭ milicyi, adrazu ž vyjechali ratavalniki i vajskoŭcy. Jany pračesvali miascovaść pa kvadratach, a taksama vykarystoŭvali kvadrakoptar.
Pošuki ŭskładniali asablivaści ŭčastku: bałoty ź vialikaj kolkaściu kustoŭ i husty les. Jany ciahnulisia ŭvieś śvietły dzień, prypynialisia tolki na ciomny čas sutak.
16 vieraśnia piensijaniera narešcie znajšli — pačuli słaby stohn z zaraśnikaŭ čarotu. 66‑hadovy mužčyna nie moh havaryć, jon atrymaŭ pieraachaładžeńnie i vielmi asłabieŭ. Jaho vynieśli ź lesu na nasiłkach i pieradali miedykam.
Kamientary