Kitajskaja avijakampanija zapuścić samy doŭhi rejs u śviecie — 29 hadzin
Kitajskaja avijakampanija China Eastern Airlines pačała pradavać bilety na svoj novy maršrut, jaki złučaje Šanchaj i Buenas-Ajres. Avijakampanija nazyvaje jaho «samym praciahłym pramym rejsam u śviecie», piša CNN.
Rejs ź mižnarodnaha aeraporta Pudun (PVG) u Šanchai da mižnarodnaha aeraporta imia ministra Pistaryni (EZE) u stalicy Arhienciny zojmie kala 25,5 hadziny, a zvarotny — 29 hadzin.
Praŭda, abodva maršruty ŭklučajuć dźviuchhadzinny prypynak u novaziełandskim Oklendzie, padčas jakoj pasažyry mohuć vyjści z borta samalota dla adpačynku. To-bok rejs choć i pramy, ale ŭsio ž nie biasspynny.
Raniej roznyja pieravozčyki sprabavali pretendavać na zvańnie «samaha praciahłaha» rejsa ŭ miežach svaich markietynhavych kampanij, ale bolšaść ekśpiertaŭ sychodziacca ŭ dumcy, što tut lidziruje Singapore Airlines. Biasspynny rejs avijakampanii pamiž sinhapurskim Čanhi i aeraportam imia Džona Kienedzi ŭ Ńju-Jorku pieraadolvaje adlehłaść 15 349 kiłamietraŭ bolš čym za 18 hadzin.
Ale China Eastern Airlines zajaviła, što jaje rejs stanie jašče i «pieršym u śviecie kamiercyjnym maršrutam, jaki złučaje harady-antypody» — to-bok harady, raźmieščanyja na supraćlehłych kancach Ziamli. Paloty buduć vykonvać na šyrokafiuzielažnym Boeing 777−300ER dvojčy na tydzień, pačynajučy z 4 śniežnia.
Darečy, samy chutki pieralot z Šanchaja ŭ Buenas-Ajres dahetul prapanoŭvali Air France i Lufthansa. Jon doŭžycca amal 31 hadzinu ź pierasadkaj u Paryžy abo Amsterdamie.
Ciapier čytajuć
«Hubazikaŭcy schilajuć Kaleśnikavu da vysyłki, ale jana nie choča»1
Kamientary