«Tut prablema nie ŭ palityčnych razychodžańniach». Franak Viačorka adkazaŭ, ci jość u jaho kanflikt ź Siarhiejem Cichanoŭskim
Daradca Śviatłany Cichanoŭskaj paśla vypadku sa skasavańniem jaje intervju telekanału CNN pad ciskam Siarhieja Cichanoŭskaha zajaviŭ, što ŭ jaho niama razychodžańniaŭ ź Siarhiejem.
Francišak Viačorka vykazaŭ «Radyjo Svaboda» svoj pohlad na toje, što adbyłosia padčas sustrečy Śviatłany Cichanoŭskaj ź biełaruskaj dyjasparaj u Ńju-Jorku i ci jość u jaho kanflikt ź Cichanoŭskim.
«Davajcie z razumieńniem stavicca da jahonych dziejańniaŭ, jon piać hadoŭ prabyŭ u adzinočcy. Ciapier jon vyvučaje palityčnaje pole, šukaje svajo ampłua, miesca i rolu. My ź im narmalna kamunikujem, prosim stavicca z razumieńniem da jahonaj emacyjnaści. Tut prablema chutčej nie ŭ palityčnych razychodžańniach, a mienavita ŭ emacyjnaści — jon, mahčyma, nie adčuvaje niejkich pratakolnych, dypłamatyčnych momantaŭ, z čym my sutyknulisia ŭ Ńju-Jorku. U nas adna meta, adna stratehija, u miesiedžach my nie razychodzimsia i abaviazkova damovimsia», — zajaviŭ Viačorka.
Intervju CNN, z-za jakoha ŭźnikła nieparazumieńnie, u vyniku było admienienaje, pryznaŭ Viačorka:
«My admianili ŭ vyniku intervju z CNN. Heta byŭ važny dzień, tamu što na Hienasamblei AAN byli ŭsie suśvietnyja lidary, i heta dzień, kali ŭ Hienasamblei samaja vialikaja suśvietnaja aŭdytoryja. I toje, što ŭ hetaj hadzinie efiru dali siem chvilin Biełarusi padvieści vyniki Hienasamblei — heta była vydatnaja mahčymaść, jakuju my ŭpuścili», — skazaŭ Viačorka, dadaŭšy, što buduć i inšyja mahčymaści.
Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku
Cichanoŭski patłumačyŭ, čamu jon tak pavodziŭ siabie ŭ Ńju-Jorku
«U nas intervju CNN nie pad ženščynu». Jak biełarusy kamientujuć u sacsietkach kanflikt Cichanoŭskich
«Nierazumieńnie taho, što nie jon, a Śviatłana ciapier centralnaja fihura. Na škodu hramadskim intaresam»
Krasulina: Terminy sustrečy z dyjasparaj u Ńju-Jorku sapraŭdy pieranosilisia, ale pa inicyjatyvie Siarhieja Cichanoŭskaha
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie7
Kamientary