U Biełarusi ŭ čarzie pa bulbu zładzili sapraŭdnyja «hałodnyja hulni»
U minskim hipiermarkiecie «Hryn» pradavałasia bulba pa 65 kapiejek za kiłahram i kapusta pa 49 kapiejek, što značna tańniej, čym na kirmašach. Heta vyklikała sapraŭdny ažyjataž: ludzi rvalisia ŭ čarhu, byccam pradukty razdavali biaspłatna. Dva videa z čarhi, jakuju achryścili «hałodnymi hulniami», nabrali pa paŭmiljona prahladaŭ u sacsietkach, zaŭvažyła vydańnie «Pieršy».
Niekatoryja pakupniki navat svarylisia, kali bulby ŭsim nie chapiła, i patrabavali dastavić jaje sa składa. Pradaŭcy ŭ adkaz prapanoŭvali pisać skarhi. Tym, chto nabyć bulbu nie zmoh, davali harantyju, što novy jaje pryvoz budzie ŭ aŭtorak. Tyktok-aŭtar raskazaŭ, što jamu ŭdałosia nabyć try miaški bulby sortu «Biełłaroza», jana akazałasia smačnaj.
Choć prapanova była adnoj z samych vyhadnych, nie ŭsie hatovyja stajać u takoj čarzie. Tym bolš što na rynku ŭ Tabarach pad Minskam bulbu pa 60 kapiejek taksama možna časam kupić, choć heta nie zaŭsiody lohka. Na inšych rynkach pierad vychadnymi cana składała 79—95 kapiejek.
Sacsietki raździalilisia ŭ mierkavańniach adnosna taho, što adbyvajecca: z adnaho boku, ludzi złavalisia na pierakupščykaŭ, jakija potym pradavali bulbu pa 1,30 rubla, i na tych, chto panabiraŭ pradukt miaškami, nie daŭšy inšym nabyć choć trochi, a z druhoha — zaŭvažali, što dla minčukoŭ heta mahčymaść aščadzić. Inšyja iranična kamientavali: «A dzie vy budziecie zachoŭvać usie hetyja miaški ŭ kvaterach?»
Jak zaŭsiody, niama adzinstva adnosna taho, ci dla biełarusaŭ važnaja mienavita tannaja bulba, ci jany hatovyja stajać u čarzie za lubym tavaram z žoŭtaj naklejkaj «akcyja».
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary