Jurydyčnaja asoba najbujniejšaha servisu pa prodažy biletaŭ «Kvitki.baj» — «Kvitki Bieł» — znachodzicca ŭ pracesie likvidacyi. Rašeńnie ŭłaśnikaŭ ab likvidacyi datujecca 17 vieraśnia, stała viadoma «Biuro».
Naprykancy žniŭnia «Naša Niva» paviedamiła sa spasyłkaj na svaje krynicy, što kiraŭnictva kampanii było zatrymana — staronki «Kvitki.baj» u sacsietkach byli vydalenyja, a mabilnyja telefony supracoŭnikaŭ niedastupnyja.
Praca sajta paśla «techničnaha zboju» ŭsio ž była adnoŭlena, adnak źjaviłasia paviedamleńnie, što Kvitki.by časova nie realizuje bilety, a pa ŭsich pytańniach pakupnikoŭ nakiravali da arhanizataraŭ mierapryjemstvaŭ.
Zatrymańnie supracoŭnikaŭ servisu moža być źviazana z čatam «OrhBY», jaki pryznali ekstremisckim farmiravańniem. Pavodle viersii KDB, da hetaha čatu mieŭ dačynieńnie dyrektar «Kvitki.baj» Alaksandr Kasinski.
Kamientary