Na terytoryi Motaviełazavoda stvarajuć novy kvartał z kaviarniami i kramami. Što tam
Na terytoryi Motaviełazavoda na Partyzanskim praśpiekcie, dzie padychodzić da kanca budoŭla Minskaha haradskoha technaparka, adkryŭsia kvartał dla ŭsich žadajučych — z mahazinami i kaviarniami. Užo zapracavali Galanteya, firmovyja mahaziny «Atłant», «Słodyč», «Karavaj» i nie tolki. Realt pahladzieŭ, što ŭžo pracuje na abnoŭlenaj placoŭcy, i jak jana vyhladaje.
Sučasnyja fasady čyrvonaha koleru vidać z Partyzanskaha praśpiekta. Raniej u hetych karpusach byŭ Motaviełazavod, a ciapier tut — Minski haradski technapark. Heta amal 200 tysiač kvadrataŭ ofisaŭ, składoŭ i łabaratoryj kampanij-rezidentaŭ. Da kanca hoda budaŭnictva technaparka płanujuć zaviaršyć. Akramia technaparka na płoščach viełazavoda stvarajuć i nievialiki kvartał z mahazinami i kaviarniami.
Pieršyja łakacyi ŭžo adkrylisia.
Ciapier u kvartale pracuje niekalki mahazinaŭ i kaviarniaŭ. U vialikim mahazinie «Atłant» pradajecca roznaja technika, kamplektujučyja, možna znajści štości pa drobiazi. Asobna jość zona ŭcenki. Tut vystaŭleny pazicyi sa źnižkami. Naprykład, adzin z chaładzilnikaŭ pradajecca paśla ramontu. Kaštuje 1 445 rubloŭ. Hetaja ž madel jość u mahazinie i novaja — za 2 147 rubloŭ.
Bolšaść tavaraŭ, pradstaŭlenych u mahazinie, ad «Atłanta» — pralnyja mašyny, chaładzilniki, mikrachvaloŭki, ale jość drobnaja bytavaja technika brenda Aresa. Akramia hetaha, pradajucca patelni i bytavaja chimija.
Jość u kvartale i firmovy mahazin ad «Motaviełazavoda». Tut vialiki vybar viełasipiedaŭ, jość skutery i mapiedy.
Tut ža — vialiki mahazin ad Galanteya — dobry vybar i niadrennyja źnižki. Naprykład, torbu z naturalnaj zamšy možna kupić sa źnižkaj bolš za sto rubloŭ — za 263 rubli zamiest 375.
Pad šyldaj «Staličny standart» pradajuć kvietki i harodninu. Heta sietka Minskaha parnikova-ciapličnaha kambinata. U asartymiencie — pakajovyja i zrezanyja kvietki, pamidory i hurki.
U «Karavaja» pamiaškańnie davoli vialikaje i śvietłaje. Naviedvalniki tut uvieś čas jość. Možna ŭziać kavu i ježu z saboj ci pierakusić na miescy. Jość stały sa kresłami i kanapy. Asartymient i ceny — standartnyja dla «Karavaja». Kapučyna pradajecca za 3 rubli 60 kapiejek, amierykana abydziecca ŭ 2 rubli 68 kapiejek, čaj kaštuje 5 rubloŭ. Samaje tannaje pirožnaje — trubačka ź białkovym kremam — rubiel 21 kapiejka. Praktyčna luby desiert možna kupić da 3 rubloŭ. Pradajucca pirahi na vahu, čabureki, piražki i bielašy.
Jašče adzin punkt, dzie možna kupić prysmaki, — mahazin «Słodyč». Tut pachnie cukierkami, jość varyjanty na vahu i šmat fasavanaj pradukcyi.
Paabiedać možna ŭ kaviarni «Lidar». Pa farmacie bolš padobna na stałovuju, ale vielmi prybranuju.
Što jašče tut adkryjecca?
Miarkujučy pa šyldach, jašče zapracuje mahazin mužčynskaha adzieńnia biełaruskaha brenda Lemongrass. Taksama adkryjecca mahazin miakkaj i korpusnaj mebli Fabrus. Akramia hetaha, užo jość šylda rybnaj kramy «Marskija siezony».
-
Z 24 śniežnia na Dziciačaj čyhuncy zapuskajuć «Navahodni ekspres»
-
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
-
«Treba ŭkaranicca ŭ apazicyju ŭ Polščy». Pradprymalnik raskazaŭ, jak jaho zavierbavaŭ KDB paśla pravierki na miažy
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju7
Kamientary
- kitajskaja
- ŝitki ċji?
- kitajskije
- dvihatiel čiej?
- kitajskij
- jeśli vviedut sankcii, čto budieš diełať?
- ŝitki...
)))))).