Za paŭhoda bazavy taryf mabilnaj suviazi padklučyli 75 tysiač biełarusaŭ
U Biełarusi z 1 krasavika apieratary mabilnaj suviazi zapuścili bazavyja sacyjalnyja taryfy. Jak piša Myfin sa spasyłkaj na Minsuviazi, za paŭhoda z momantu zapusku hetyja taryfy padklučyli bolš za 75 tysiač biełarusaŭ.
Bazavy nabor pasłuh u ŭsich apierataraŭ adnolkavy. Klijentam pradastaŭlajecca 2 HB internetu biez abmiežavańnia chutkaści, 200 chvilin zvankoŭ va ŭsie sietki krainy i 50 SMS u miesiac.
Lidaram pa kolkaści padklučeńniaŭ staŭ apieratar A1 z taryfam «Sacyjalny ekanom» (košt — 9,4 rubla). Hety taryf pryciahnuŭ kala 44 tysiač karystalnikaŭ. Pry hetym dla peŭnych katehoryj hramadzian, takich jak piensijaniery i invalidy, jon dastupny pa źnižanaj canie — 6 rubloŭ u miesiac.
Na druhim miescy pa papularnaści — taryf «Bazavy» ad life:), jaki pryciahnuŭ bolš za 20 tysiač klijentaŭ. Jaho košt składaje 7,9 rubla, i jon staŭ samym tannym z prapanavanych.
Zamykaje trojku taryf «Supier Łajt» ad MTS (9,4 rubla), jaki abrali bolš za 10 tysiač karystalnikaŭ. Pry hetym u MTS taksama jość śpiecyjalny taryf «Dabrabytny» dla piensijanieraŭ i ludziej z abmiežavanymi mahčymaściami, jaki prapanuje nieabmiežavanyja zvanki ŭnutry sietki za 5,9 rubla ŭ miesiac.
Kamientary