Siaredniaja piensija pa ŭzroście ŭ Litvie ŭ 2026 hodzie pavialičycca na 80 jeŭra i składzie 750 jeŭra, a siaredniaja dla tych, u kaho jość nieabchodny staž, pavialičycca na 90 jeŭra i dasiahnie 810 jeŭra, skazana ŭ pres-relizie Minsacpracy Litvy, piša Delfi.lt.
Zhodna z prahnozami, siaredni zarobak u Litvie ŭ 2026 hodzie pavialičycca na 7,3%, a siaredniehadavaja inflacyja składzie 3,2%.
Urad Litvy abaviazaŭsia da 2030 hoda zrabić tak, kab siaredniaja piensija pa ŭzroście składała 50% siaredniaj zarpłaty «na ruki».
U 2026 hodzie siaredniaja piensija pa ŭzroście składzie 47,3% siaredniaj zarpłaty «na ruki», a siaredniaja piensija tych, u kaho jość nieabchodny staž — 51,1% siaredniaha zarobku «na ruki».
U žniŭni 2025 hoda siaredniuju piensiju atrymlivali 632 000 atrymalnikaŭ piensij pa ŭzroście i 8000 atrymalnikaŭ daterminovych piensij — u siarednim pamiery 670 jeŭra. Siaredniaja piensija ŭ ludziej ź nieabchodnym stažam — 720 jeŭra.
Minpracy Biełarusi nazvała pamier siaredniaj piensii ŭ vieraśni — 980 rubloŭ. Pry siońniašnim kursie heta 277 jeŭra.
Kamientary