Były daradca Ofisa prezidenta Ukrainy Alaksiej Arastovič zajaviŭ, što kali b jon byŭ prezidentam Ukrainy, to addaŭ by «čatyry vobłaści i Krym» Rasii, pry hetym nie pryznajučy ich jurydyčnaha statusu. Svaju pazicyju jon vykazaŭ u intervju jutub-kanału «Ostorožno, Sobčak».
«Ja addaju čatyry vobłaści i Krym. Nie pryznaju ich rasijskimi, addaju ich na ŭmovach jak FRH i HDR. Heta prypynieńnie vajny. Budzie «mirnaje pahadnieńnie, jakoje praciahvajecca», nie damova. Vyvodžu vojski, staŭlu ich pa miažy», — skazaŭ Arastovič.
Pa jaho słovach, paśla taho moža być stvorana «novaja linija sudakranańnia» pa prykładzie Paŭnočnaj i Paŭdniovaj Karei.
«Padpisvajem mirnaje pahadnieńnie i pierabudoŭvajem sistemu adnosin, kali budzie dobraja vola rasijskaha boku na toje, kab vajna pa hetaj linii nie adnaviłasia nikoli», — vykłaŭ Arastovič svaju prahramu.
Pierš za ŭsio pry abrańni prezidentam Arastovič adpraviŭsia b u Maskvu na sustreču z Pucinym: «Jak toj kazaŭ: «idu na vy». Heta nie na pakłon, a heta jak Saša Bieły na strełku».
Akramia taho, Arastovič hatovy pravieści sumiesny malebien z Pucinym za zahinułych u vajnie i ŭskłaści kvietki na mahiły zahinułych rasijskich vajskoŭcaŭ, kali rasijanie zrobiać toje samaje ŭ adkaz.
Taksama jon padkreśliŭ, što va Ukrainie pavinny być zabiaśpiečanyja pravy ruskamoŭnaha nasielnictva i Ruskaj pravasłaŭnaj carkvy. Maŭlaŭ, vykanańnie ŭsich hetych umoŭ mahło b spryjać spynieńniu kanfliktu.
«Dva-try tydni». Ad Arastoviča da Budanava — 5 hučnych prahnozaŭ pra vajnu, jakija nie spraŭdzilisia
Zialenski ŭvioŭ sankcyi ŭ dačynieńni da byłoha daradcy Ofisa prezidenta Ukrainy Alaksieja Arastoviča
«Dva-try tydni maksimum — i vajna skončycca». Arastovič patłumačyŭ tyja svaje słovy
Treciaja žonka Arastoviča padała na razvod
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary