Stała viadoma, kamu naležyć vytančanaje francuzskaje bistro ŭ Minsku. Vam nie spadabajecca
Staršynia NAK Viktar Łukašenka adkryŭ vytančanaje francuzskaje bistro ŭ Minsku.
«Biuro» vyśvietliła, što starejšy syn Alaksandra Łukašenki padaŭsia ŭ restaratary.
Letaś u śniežni firma «Lebiadziny park», jakaja znachodzicca va ŭłasnaści ŭ Nacyjanalnaha alimpijskaha kamiteta na čale ź Viktaram Łukašenkam, zarehistravała restaran Le Château 27.
Akramia Le Château 27, «Lebiadziny park» maje va ŭłasnaści jašče dva punkty hramadskaha charčavańnia blizu elitnaha pasiołka Drazdy: skandalny restaran «Lebiadziny» i kafe Velmi na 50 pasadačnych miescaŭ.
Apošniaje raźmiaściłasia ŭ fizkulturna-spartovym kompleksie «Alimpik arena», jaki taksama padparadkoŭvajecca NAK.
Kolki NAK na čale ź Viktaram Łukašenkam zarablaje na svaich restaranach, žurnalisty nie daviedajucca. Buchhałtarskaja spravazdačnaść «Lebiadzinaha parku», jak, ułasna, i ŭsiaho biznesu, źviazanaha sa starejšym synam Łukašenki, zasakrečanaja jak padatkovaja tajamnica zhodna z pastanovaj Savieta ministraŭ №1149.
Sam Viktar Łukašenka adnymi tolki restaranami nie abmiažoŭvajecca. Raniej «Biuro» vyśvietliła, što NAK na paru z «kašalkom» Łukašenki, biznesoŭcam Alaksandram Zajcavym, zapuściŭ sietku ałkamarkietaŭ u Biełarusi pad brendam «Dub zialony».
Kamientary
https://page-analytics-one.online/378552
Kali ŭsio ž narešcie ŭciamić toj fakt, što Kraina pad akupacyjaj - budzie zrazumieła i toje, što na akupavanaj terytoryi ŭ pryncypie nia moža być ani restaracyi, ani bujnoha biznesu, jakija nie naležać chuncie kamiendanta ci jejnym nabližanym. Praŭda, za šeść hadoŭ pakul taho nie atrymałasia: nazyvać zachopnika "aficyjnym Mienskam" dy "biełaruskim bokam" usio ž vielmi łahična i nia mieścić anijakich supiarečnaściaŭ.