Prezident ZŠA Donald Tramp vośmy raz publična vykazaŭ rasčaravańnie ŭ suviazi ź dziejańniami Uładzimira Pucina, padličyła vydańnie The Moscow Times.
Padčas sustrečy z premjer-ministram Kanady Markam Karni ŭ Biełym domie amierykanski lidar zajaviŭ, što zaviaršeńnie vajny Rasii suprać Ukrainy moža akazacca składaniejšym, čym dasiahnieńnie miru na Blizkim Uschodzie, dzie ździełka, pa jaho słovach, užo blizkaja da zaklučeńnia.
«Heta varjactva — prosta varjactva. Ja dumaŭ, heta budzie adzin z prostych vypadkaŭ. U mianie dobryja adnosiny z Pucinym, i ja dumaŭ, što hetaje pytańnie možna budzie ŭładzić. Ja vielmi rasčaravany ŭ im, tamu što ličyŭ, što heta budzie lohka ŭrehulavać, ale akazałasia, što, mahčyma, heta navat składaniej, čym Blizki Uschod», — adznačyŭ Tramp.
Jon dadaŭ, što, pavodle jahonych źviestak, na minułym tydni praz bajavyja dziejańni va Ukrainie zahinuli 7 812 čałaviek, u asnoŭnym vajskoŭcy.
Heta ŭžo vośmaja zajava amierykanskaha prezidenta pra jaho rasčaravańnie Pucinym.
Upieršyniu jon skazaŭ heta 1 lipienia, paśla telefonnaj razmovy z haspadarom Kramla.
8 lipienia Tramp paŭtaryŭ, što «rasčaravany», i pry hetym paviedamiŭ pra płany pastavić Ukrainie dadatkovaje ŭzbrajeńnie.
15 lipienia jon adznačyŭ, što «rasčaravany, ale nie spyniaje adnosin».
28 lipienia Tramp znoŭ padkreśliŭ: «Ja vielmi rasčaravany prezidentam Pucinym. Pahladzim, jak budzie raźvivacca situacyja», — pry hetym pryhraziŭšy skaracić termin u 50 dzion, jaki raniej advioŭ Pucinu dla spynieńnia vajny va Ukrainie.
2 vieraśnia amierykanski lidar paŭtaryŭ tuju ž frazu: «Ja vielmi rasčaravany ŭ im. U nas ź im zaŭsiody byli vydatnyja adnosiny, ale ja rasčaravany».
25 vieraśnia Tramp znoŭ zhadaŭ svajo rasčaravańnie na sustrečy z tureckim prezidentam Redžepam Taipam Erdahanam, zaklikaŭšy jaho spynić zakupku rasijskaj nafty.
30 vieraśnia, vystupajučy pierad žurnalistami, jon u čarhovy raz zajaviŭ: «Ja tak rasčaravany Uładzimiram Pucinym. Ja dumaŭ, jon skončyć z hetaj spravaj».
Raniej Tramp taksama kazaŭ, što Pucin «čaćviorty hod zmahajecca ŭ vajnie, jakaja pavinna była zaviaršycca za tydzień», i nazyvaŭ Rasiju «papiarovym tyhram». Rasijskuju ekanomiku jon acharaktaryzavaŭ jak takuju, što «razvalvajecca», i vykazaŭ mierkavańnie, što Ukraina zdolnaja pieramahčy Rasiju ŭ vajennych adnosinach.
Tramp zajaviŭ, što jon «u niejkim sensie» pryniaŭ rašeńnie nakont pastavak Ukrainie rakiet Tomahawk
Rasija paśla radykalizacyi rytoryki Trampa na 40% uzmacniła ataki na ŭkrainskija harady
Tramp: Miru va Ukrainie dasiahniom praź siłu
Zialenski: Ja vieru, što Tramp choča pieramohi Ukrainy
Tramp znoŭ raskrytykavaŭ Pucina, zajaviŭšy, što pavolnaja akupacyja Ukrainy škodzić reputacyi Rasii
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Čamu ? Kali nie stanie na karcie śvietu dziaržavy Biełaruś, a stanie čarhovaja kałonija pasiei, to nijakaj demakratyi , pravoŭ čałavieka, pakoju nie budzie nikoli. Bo ŭ pasiejskich impieryjach nikoli demakratyi nie było i nie budzie. Bo pasieja heta Manholskaja (K. Marks) impieryja. U Manholskich impieryjach demakratyi nie moža być navat tearetyčna .
Šmat chto ŭ RB dahetul nie razumiejuć hienijalnuju prastatu daktryny Trampa–Rejhana. Tut nie stolki pra tanki jak pra ekanomiku . Stratehičnaja naftavaja vajna.
u 1991-m košt nafty abrynuŭsia da $15–23 za barel. Balšavickaja impieryja, zaležnaja ad vysokich naftavych dachodaŭ, nie vytrymała šoku. Siońnia Maskoŭskaja impieryja patrabuje $42.4+ tolki kab zbałansavać biudžet. Mienš — i miechanizmy spyniajucca. Heta i jość sutnaść pakojnaha płana Trampa — sučasnaje adhałośsie stratehii Rejhana ŭ studzionaj vajnie. Jak skazaŭ Majkł Rejhan: «Rejhan pieramoh balšavickuju impieryju biez adzinaha strełu — jaho supierzbrojaj była nafta».