Ale ŭ Vilniu jechać usio adno doraha — ceny krychu źmienšylisia tolki ŭ paraŭnańni z ažyjatažnym pieryjadam.
Paśla adkryćcia miažy z Polščaj ažyjatažny popyt na pajezdki źniziŭsia. U dadatak nastupiŭ tak zvany mižsiezonny pieryjad: čas letniaha adpačynku prajšoŭ, a da navahodnich i kaladnych śviataŭ jašče daloka. U vyniku na hetym fonie košt biletaŭ na mižnarodnyja aŭtobusy źnižajecca, raskazali Office Life pradstaŭniki servisu pa prodažy i braniravańni biletaŭ «Atłas Bas».
Litva: z Homiela tańniej, čym ź Minska
Jašče paru tydniaŭ tamu litoŭski napramak byŭ naraschvat, zaraz ža bilety dastupnyja, a ceny na ich pajšli ŭniz.
Naprykład, bilet z Homiela da Vilni možna kupić za 220 rubloŭ. Choć pajezdka ź Minska anałahičnymi rejsami abydziecca daražej.
Ale jość cikavyja prapanovy i sa stalicy. Naprykład, da aeraporta Kaŭnasa možna dajechać za 280 rubloŭ. Źnižany ceny i na niekatorych inšych rejsach: Minsk — Vilnia — da 230 rubloŭ, Voranava — Vilnia — da 210 rubloŭ.
Darečy, litoŭski napramak pasažyry vybirajuć jašče i tamu, što tut praktyčna niama čerhaŭ na miažy, a značyć, aŭtobusy iduć pa raskładzie.
Nahadajem, u žniŭni Ministerstva znosin Litvy pamienšyła kolkaść dazvołaŭ na pieravozki pamiž dźviuma krainami. Z-za hetaha kolkaść aŭtobusaŭ skaraciłasia, a mnohija ahrehatary značna pavysili ceny na bilety.
Polšča: da Biełastoka za 105 rubloŭ
Kali kazać pra rejsy ŭ ES, to pajezdki ŭ Polšču, u paraŭnańni ź inšymi krainami, zastajucca samymi tannymi ŭ płanie cany. Paśla adkryćcia miažy prajšło niekalki tydniaŭ, popyt na bilety źniziŭsia, i pieravozčyki šukajuć novyja sposaby pryciahnuć pasažyraŭ, u tym liku źnižajuć ceny.
Naprykład, bilet na adzin z rejsaŭ ź Minska da Biełastoka abydziecca ŭ 105 rubloŭ. Praŭda, zapuskajuć jaho tolki z 10 kastryčnika i jon budzie kursiravać pakul raz na tydzień. U toj ža čas da Varšavy jość prapanovy pa 115 rubloŭ.
Ale, adznačajuć pradstaŭniki servisu, składana pradkazać, kolki času zojmie prachodžańnie miažy.
-
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju
-
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»
-
U Biełarusi adkryli pieršuju kaplicu ŭ miežach akcyi vieteranaŭ FSB — na małoj radzimie Alesia Puškina
Ciapier čytajuć
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju1
Kamientary