Ź niadzieli na miežach Biełarusi zapracuje novaja sistema ŭjezdu ŭ krainy ES. Jak jana budzie pracavać?
U hetuju niadzielu, 12 kastryčnika, krainy Jeŭropy, u tym liku Polšča, Litva i Łatvija, pačnuć vykarystoŭvać na źniešnich miežach novuju sistemu ŭjezdu i vyjezdu (EES). Jana pastupova zamienić zvykłyja štampy ŭ pašpartach na ličbavy zapis ab padarožnikach z krain, što nie ŭvachodziać u ES i Šenhien.
Praŭda, jość šmat vyklučeńniaŭ. Meta — uzmacnieńnie biaśpieki, piša Delfi.lv.
EES paśladoŭna ŭviaduć usie krainy ES, akramia Irłandyi i Kipra. Pry hetym Narviehija, Isłandyja, Šviejcaryja i Lichtenštejn, jakija nie ŭvachodziać u ES, taksama buduć jaje vykarystoŭvać.
Sistema zamienić zvykłyja štampy ŭ pašpartach: zamiest hetaha pry pierasiačeńni miažy buduć źbiracca bijamietryčnyja danyja — adbitki palcaŭ, fatahrafii, a taksama źviestki pra pajezdku. Heta rašeńnie nakiravana na pavyšeńnie efiektyŭnaści pamiežnaha kantrolu i dakładnaść uliku znachodžańnia zamiežnikaŭ.
EES budzie prymianiacca da hramadzian trecich krain, što ŭjazdžajuć u Łatviju abo inšuju dziaržavu — siabra Šenhienskaj zony dla karotkaterminovaha znachodžańnia praciahłaściu da 90 dzion ciaham luboha 180‑dzionnaha pieryjadu (kali čałaviek ujazdžaje raniej — jaho nie ŭpuściać).
Kamientary