Z kastryčnika ZAT «Staličnaje telebačańnie» płanuje start testavaha viaščańnia novaha telekanała pad nazvaj «Sport TV». Jak zajaŭlaje kampanija, rašeńnie pra vyvad spartyŭnaha kantentu ŭ asobny kanał pryniata «z metaj bolš jakasnaj i metanakiravanaj padačy spartyŭnych tranślacyj».
Jak tłumačać na kanale, apošnija miesiacy STV tranślavała bujnyja mižnarodnyja padziei — čempijanat Jeŭropy pa futbole (EURO-2024), hulni Lihi nacyj UEFA, adboračnyja sustrečy da Jeŭra, a taksama pajadynki Lihi kanfierencyj. Adnak, pavodle aficyjnaha tłumačeńnia, ahulnaja prahramnaja kancepcyja telekanała STV nie praduhledžvaje stałaj prysutnaści spartyŭnaha kantentu, što i padšturchnuła da zapusku novaha prajekta.
Jak paviedamlajecca, «Sport TV» budzie tranślavać «viadučyja mižnarodnyja turniry» i «najbolš značnyja i cikavyja padziei ajčynnaha sportu».
Kanał płanujecca raspaŭsiudžvać praz kabielnych apierataraŭ pa ŭsioj Biełarusi.
Svoj spartyŭny kanał «Biełaruś 5» maje ŭžo Biełteleradyjokampanija.
Pry hetym paśla pačatku rasijskaj ahresii suprać Ukrainy ŭ 2022 hodzie biełaruskija spartsmieny byli adchilenyja ad bolšaści mižnarodnych spabornictvaŭ praz padtrymku Biełaruśsiu ŭvarvańnia. Mnohija fiederacyi zabaranili ŭdzieł biełarusaŭ, choć asobnyja spartoŭcy mohuć vystupać pad «niejtralnym statusam» pry ŭmovie, što nie padtrymlivajuć vajnu.
-
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpoł
-
Śpiecsłužby stvaryli fejkavy bot nibyta dla evakuacyi tych, chto dasyłaŭ infarmacyju «Biełaruskamu Hajunu»
-
20-hadovaj ukraincy pahražaje śmiarotnaje pakarańnie na Bali. Šukajuć jaje i na radzimie
Ciapier čytajuć
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał3
Kamientary