Uviečary 11 kastryčnika hrupa padletkaŭ adpraviłasia na rybałku na vostraŭ Tersdej u štacie Kvinślend. Kali 14‑hadovy chłopčyk zajšoŭ u vadu, na jaho raptoŭna napała akuła.
Jaho siabry nie vahalisia ni siekundy: jany adrazu skočyli ŭ vadu, kab dapamahčy siabru. Im udałosia vyciahnuć akryvaŭlenaha chłopčyka na bierah, piša Bild.
Ratavalnyja słužby prybyli chutka. Padletka na viertalocie dastavili ŭ kliniku ź niebiaśpiečnymi dla žyćcia ŭkusami ŭ vobłaści žyvata. Tam jamu zrabili terminovuju apieracyju. Zaraz daktary ŭsio jašče zmahajucca za žyćcio chłopčyka. Jaho stan stabilny, ale zastajecca ciažkim.
Napadzieńni akułaŭ u hetym rehijonie zdarajucca niačasta. Apošni incydent adbyŭsia ŭ 2010 hodzie i nie byŭ śmiarotnym: biełapioraja ryfavaja akuła ŭkusiła dzieviacihadovuju dziaŭčynku za nahu. Pakul nieviadoma, jaki vid akuły napaŭ na padletka hetym razam.
Kamientary