Kampanija Michelin, akramia restaranaŭ, pačała adznačać pa ŭsim śviecie najlepšyja hateli, vydajučy im mišlenaŭskija klučy Michelin Keys. Cyrymonija ŭručeńnia pieršych klučoŭ adbyłasia ŭ Paryžy, paviedamlaje Bloomberg.
Try klučy ad Michelin atrymlivajuć samyja raskošnyja hateli, jakija «pieściać svaich haściej i staviacca da ich jak da karaleŭskich asob». Dva klučy prysudžajuć tym, chto zabiaśpiečvaje «asablivy kamfort i niezabyŭnyja ŭražańni». Adzin kluč dajuć za admietnaść i kreatyŭnaść.
U 2025 hodzie adzin kluč atrymali 1742 hateli, dva — 572, a try — 143.
Siarod hatelaŭ, adznačanych tryma klučami, — Four Seasons Hotel Istanbul u histaryčnym rajonie Sułtanachmiet u Turcyi, The Surrey u Ńju-Jorku, Boys Hall u anhlijskim zamku XVII stahodździa i Nayara Springs u Kosta-Rycy (hatel tolki dla darosłych).
Dva klučy atrymali takija ŭstanovy, jak The Burman Hotel u Starym Talinie, Golden Rock Inn Nevis u astraŭnoj dziaržavie Sient-Kits i Nievis, Alila Jabal Akhdar u Amanie i Thorngrove Manor u Aŭstralii.
Hatel Atlantis The Royal u AAE pryznali najlepšym za architekturu i dyzajn. Siarod inšych u hetaj katehoryi — Rosewood São Paulo ŭ Brazilii, Shabara Resort u Saudaŭskaj Aravii, Benesse House u Japonii i Villa Nai 3.3 u Charvatyi.
Najlepšym spa-hatelem staŭ Bürgenstock Resort u Šviejcaryi. Na cyrymonii ŭ hetaj katehoryi adznačyli taksama Canyon Ranch Tucson u ZŠA, Joali Being na Maldyvach, Lily Of The Valley u Francyi i The Retreat at Blue Lagoon u Isłandyi.
Siarod hatelaŭ, jakija zahłyblajuć u kulturu rehijonu, vyłučyli La Fiermontina Ocean u Maroka, Zannier Sonop u Namibii, Tierra Patagonia Hotel & Spa u Čyli, Longitude 131 u Aŭstralii i Post Ranch Inn u ZŠA.
Adkryćciom hoda staŭ The Burman Hotel u Estonii, a taksama Aman Nai Lert Bangkok u Tajłandzie, Collegio alla Querce u Italii, Le Mouflon D'or u Francyi i Cheval Blanc Seychelles na Sejšełach.
Biełarusku pryznačyli kiravać zamkam u Francyi
Što za hatel, u jakim spyniaŭsia Pucin u Kitai i kudy zaprašaŭ Łukašenku
Błohier paraŭnaŭ košt adpačynku ŭ sanatoryi «Radon» z pajezdkaj na kitajski vostraŭ Chajnań — i byŭ šakavany
«Tym, chto nastalhuje pa saŭku, spadabajecca». Błohier pieranačavaŭ u najhoršych hatelach Biełarusi i padzialiŭsia ŭražańniami
KNDR adkryła kurort «suśvietnaha kłasa». Jon moža być aryjentavany na rasijskich turystaŭ FOTY
Piać luksavych hatelaŭ Biełarusi, jakija znachodziacca ŭ nievialikich haradach. Vy dakładna pra ich nie viedali
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary