U Hrodnie 11‑hadovy školnik zhienieravaŭ vyjavu bamža na łožku ŭ kvatery — maci strymhałoŭ kinułasia dachaty i vyklikała milicyju
Dzieci ŭsio čaściej vykarystoŭvajuć technałohii štučnaha intelektu dla žartaŭ sa svaich baćkoŭ. Roliki z takimi žartami nabirajuć papularnaść u sacsietkach.
Adzin z takich vypadkaŭ adbyŭsia ŭ Hrodnie, paviedamlaje «Minskaja praŭda» sa spasyłkaj na milicejski kanał «Obratnaja storona».
11‑cihadovy chłopčyk zhienieravaŭ z dapamohaj niejrasietki vyjavu nieznajomaha pjanaha mužčyny, nibyta jaki znachodzicca ŭ ich kvatery. Pakul baćki byli na pracy, dzicia adpraviła zdymak maci.
Žančyna, ubačyŭšy tryvožnaje fota, adrazu patelefanavała synu. Adnak chłopčyk nie adrazu pryznaŭsia, što heta ŭsiaho tolki žart.
Bajučysia za biaśpieku dziciaci, žančyna kinuła ŭsie spravy, pajechała dadomu i pa darozie vyklikała milicyju. Kali supracoŭniki Leninskaha RAUS Hrodna prybyli na miesca, vyśvietliłasia, što «padzieja» — niaŭdałaja sproba chłopčyka źniać virusny rolik dla TikTok.
U milicyi padkreślili, što takija žarty mohuć mieć niepradkazalnyja i niebiaśpiečnyja nastupstvy.
Baćkoŭ zaklikali rastłumačyć dzieciam, što vykarystańnie štučnaha intelektu dla žartaŭ moža pryvieści da ŭmiašańnia słužbaŭ i realnych prablem.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary