Kolkaść biudžetnych miescaŭ na mahistratury budzie vyznačać dziaržava
Raniej univiersitety sami farmiravali płan naboru na mahistraturu, ale ciapier, jak paviedamiŭ ministr adukacyi Andrej Ivaniec, hetym budzie zajmacca dziaržava. Jaho słovy pieradaje BiełTa.
Ivaniec patłumačyŭ heta tym, što padrychtoŭka śpiecyjalistaŭ pavinna adpaviadać metam krainy i hramadstva.
«Kali raniej VNU farmavali kolkaść biudžetnych miescaŭ u mahistratury i pieralik śpiecyjalnaściaŭ, zychodziačy sa svajho bačańnia, to ciapier situacyja źmienicca. Kolkaść biudžetnych miescaŭ budzie zaležać ad zapytu na peŭnych śpiecyjalistaŭ», — skazaŭ jon.
Praviły pryjomu na płatnuju formu mahistratury nie źmieniacca, u tym liku dla zamiežnikaŭ.
Ale novy padychod budzie i da naboru na aśpiranturu. Ciapier tudy možna budzie pastupić biez skončanaj mahistratury.
«Havorka idzie pra toje, što tyja chłopcy i dziaŭčaty, jakija zacikaŭleny zajmacca navukovaj, navukova-daśledčaj dziejnaściu, pavinny mieć mahčymaść prychodzić u aśpiranturu biez zakančeńnia mahistratury. I ŭ suviazi z hetym kožny ŭniviersitet i vučonyja saviety pavinny bačyć takich maładych ludziej i vydavać adpaviednyja rekamiendacyi», — skazaŭ Ivaniec.
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary
[Zredahavana]