U adnoj ź viosak u domie znajšli mužčynu biez prykmiet žyćcia.
U vyniku praviedzienych daśledavańniaŭ ustanoŭlena, što śmierć mužčyny nastupiła ŭ vyniku vostraha kambinavanaha atručvańnia piestycydami (chłorfienvinfosam i cypiermietrynam), a kancentracyja etyłavaha śpirtu ŭ kryvi składała 1,9%, paviedamlaje Dziaržkamitet sudovych ekśpiertyz.
Chłorfienvinfos i cypiermietryn — rečyvy, što ŭvachodziać u skład preparata «Rateid», jaki vykarystoŭvajecca ŭ sielskaj haspadarcy dla źniščeńnia nasiakomych i klaščoŭ u bujnoj rahataj žyvioły, aviečak, trusoŭ i inšych žyvioł. Vypadkovaje ŭžyvańnie rečyva stała pryčynaj śmierci.
Padrabiaznaści hibieli nie pryvodziacca.
Sudovyja ekśpierty papiaredžvajuć ab niehatyŭnym upłyvie chimikataŭ na čałaviečy arhanizm i rekamiendujuć vykonvać nastupnyja parady:
- 1. Kateharyčna zabaraniajecca pieralivać piestycydy ŭ butelki i inšyja jomistaści, pryznačanyja dla ježy i pićcia.
- 2. Pierakanajciesia, što na ŭsich jomistaściach z chimičnymi rečyvami jość vyraznyja i niepaškodžanyja aryhinalnyja etykietki.
- 3. Zachoŭvajcie leki tam, dzie dzieci abo ludzi, jakija nie viedajuć praviłaŭ ich vykarystańnia, nie zmohuć ich dastać.
- 4. Usie členy siamji pavinny być papiaredžany: prahłynańnie źmieściva niemarkiravanaha posudu śmiarotna niebiaśpiečna.
- 5. Pry padazreńni na atručvańnie terminova vyklikajcie chutkuju i pakažycie ŭraču ŭpakoŭku ad atručvalnaha srodku.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary