Byłaja prakurorka anieksavanaha Kryma Natalla «Niaš-miaš» Pakłonskaja stała Radviedaj
Byłaja prakurorka anieksavanaha Kryma Natalla Pakłonskaja źmianiła imia na Radviedu. Pra heta paviedamiŭ Z-žurnalist Siarhiej Mardan (Klučankoŭ) sa spasyłkaj na pazoŭ Pakłonskaj ab abaronie honaru, jaki jana da jaho padała.
Z čym źviazanyja jaje pretenzii — nie ŭdakładniajecca, paviedamlaje «Novaja hazieta Jeŭropa».
«Vidać, byłaja prakurorka takim čynam razryvaje ŭsie suviazi z nastolki nienavisnym joj chryścijanstvam. I zamiest imia śviatoj mučanicy Natalli Nikamiedyjskaj budzie nasić mianušku piersanaža ź niejkaj anłajn-hulni», — napisaŭ jon u svaim telehram-kanale.
Sama Pakłonskaja infarmacyju paćvierdziła, ale zajaviła, što dziejańni Mardana parušajuć zakony ab abaronie piersanalnych danych i «akazvajuć vialikuju dapamohu terarystyčnym arhanizacyjam i złačynnamu ŭkrainskamu režymu»:
«U adnosinach da mianie z 2014 hoda ździejśnieny šerah zamachaŭ, u suviazi z čym ja prymaju śpiecyjalnyja miery. <…> Piersanalnyja danyja ŭ miežach padobnych mier mohuć być źmienieny. Ich raspaŭsiudžańnie niasie nie prosta tearetyčnuju, a całkam realnuju pahrozu mnie i majoj siamji <…> Raskryvajučy ŭ paryvie čarhovaha šou maje pašpartnyja dadzienyja, jon abo nie ŭśviedamlaje nastupstvaŭ, abo prosta «zahulaŭsia» ŭ mikrafonnaha patryjota», — napisała Pakłonskaja.
Natalli Pakłonskaj 45 hadoŭ. Rodam jana z ukrainskaha siała Alaksiejeŭka Łuhanskaj vobłaści Ukrainy. Va Ukrainie jana pracavała ŭ orhanach prakuratury i darasła tam da staršaha prakurora. U 2014 hodzie, kali pracavała ŭ Krymie, stała na bok Rasii i stała adnoj z najbolš viadomych kałabarantak.
Nieŭzabavie akupacyjnyja ŭłady pryznačyli jaje prakurorkaj Kryma. Na samym pačatku termina jana prasłaviłasia frazaj «nijakich miaš, niaš ja nie dapušču» — heta stała miemam i jaje mianuškaj.
U 2016 Pakłonskuju zvolnili z prakuratury i ŭziali ŭ Dziarždumu.
Z pačatkam vajny va Ukrainie jana trapiła ŭ apału. Apošnim časam Pakłonskaja kruta źmianiła imidž, zrabiła dredy i ahituje viartacca da słavianskich karanioŭ.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary