Łukašenka zajaviŭ, što litoŭcy sami z terytoryi Biełarusi pierakidvali cyharety na mietearałahičnych zondach
«Maleńkimi porcyjami pierakidvali na hetych šarykach».
Litoŭcy sami z terytoryi Biełarusi pierakidvali cyharety na mietearałahičnych zondach, zajaviŭ Łukašenka ŭ Lepielskim rajonie.
Jon raskazaŭ, što sami hramadzianie Litvy na fonie zakryćcia zachodnimi susiedziami Biełarusi miežaŭ vyrašyli zarabić na pieraprodažy cyharet. Alaksandr Łukašenka padkreśliŭ, što ŭ takija ŭmovy ich pastavili ŭłasnyja ŭłady, pierarvaŭšy narmalnyja handlovyja suviazi i pabudavaŭšy zaharodu na miažy.
«Ułady litoŭskija i polskija — vy vinavatyja, što tak adbyvajecca. Navošta vy pastavili ludziej u takija ŭmovy? Navošta vy ich šturchnuli na šlach złačynstva?» — adznačyŭ jon.
Jon raskazaŭ, što biełaruskija hramadzianie absalutna lehalna nabyvali na vytvorčaści cyharety i pieradavali litoŭcam, jakija pryjazdžali na terytoryju Biełarusi, atrymlivajučy svoj prybytak. I ŭžo sami litoŭcy svaim saŭdzielnikam pierapraŭlali tavar z dapamohaj pavietranych šaroŭ. Vyhada zaklučałasia ŭ roźnicy cen na cyharety ŭ Biełarusi i krainach ES.
«Naładzili hety biznes. Našy na fabrycy biaruć cyharety pa vyhadnaj canie, pradajuć litoŭcam. Treba pierakinuć praz zaharodu. Maleńkimi porcyjami pierakidvali na hetych šarykach, — adznačyŭ Łukašenka. — Tam litoŭcy prymali šary i brali hetyja cyharety. Nie ŭ Litvie pradavali. U Niderłandach i Anhlii. Kažuć, tam samyja darahija cyharety».
«Jak ja mahu ź ich spytać (udzielnikaŭ hetaj schiemy ź biełaruskaj boku), u čym tut vina Biełarusi? Ja nie baču, za što karać ludziej. Jany chacieli zarabić — jany zarabili. Kali b jany ŭkrali hetyja cyharety… Nie, jany zapłacili», — dadaŭ Łukašenka.
Jurkonis pra zakryćcio miežaŭ: Davajcie nie dumać jašče pra Pieciu z Baranavič, jaki choča zarabić dzieści tam u Biełastoku
Łukašenka zajaviŭ, što chutka śmiardziučaja Jeŭropa budzie płacić Biełarusi za čystaje pavietra
Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes
Što saboj ujaŭlajuć tyja mieteazondy, jakija prylatajuć ź Biełarusi ŭ Litvu? Raskazvaje Biesarab
Naŭsieda pra reakcyju Łukašenki: Chočacca, kab jašče macniej prypiakło
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki7
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
Jak minimum, tut parušeńnie mytnaha zakanadaŭstva i pavietranaha prava.
Ale jon heta vydatna viedaje, prosta ŭklučaje tupoha-dobraha.
Treba, kab niekalki zondaŭ pralacieli nad rezidencyjami, paśla prablema chucieńka źniknie.