Tramp zahadaŭ Pientahonu padrychtavacca da mahčymych vajennych dziejańniaŭ u Nihieryi
Prezident ZŠA zajaviŭ, što daručyŭ Pientahonu padrychtavacca da mahčymych vajennych dziejańniaŭ u Nihieryi praz hvałt u adnosinach da chryścijan.
«Kali ŭrad Nihieryi praciahnie dapuskać zabojstvy chryścijanaŭ, ZŠA nieadkładna spyniać usiakuju dapamohu Nihieryi i całkam mohuć uvarvacca ŭ hetuju zhańblenuju krainu sa zbrojaj u rukach, kab poŭnaściu źniščyć isłamisckich terarystaŭ, jakija ździajśniajuć hetyja žudasnyja źvierstvy», — napisaŭ Tramp u svajoj sacsietcy Truth.
Kiraŭnik Ministerstva abarony ZŠA Pit Chehsiet zajaviŭ, što Pientahon pačaŭ padrychtoŭku da mahčymych vajennych dziejańniaŭ, paviedamlaje Rasijskaja słužba Radyjo Svaboda.
«Zabojstva niavinnych chryścijanaŭ u Nihieryi — i dzie b to ni było — pavinna być nieadkładna spyniena. Albo ŭrad Nihieryi abaronić chryścijanaŭ, albo my źniščym isłamisckich terarystaŭ, jakija ździajśniajuć hetyja žudasnyja źvierstvy», — napisaŭ jon u sacsietcy X.
Nihieryja pakul nie adreahavała na pahrozu Trampa.
Napiaredadni administracyja prezidenta ZŠA znoŭ uklučyła Nihieryju ŭ śpis krain, «jakija vyklikajuć asablivuju zaniepakojenaść». U hety śpis uvachodziać dziaržavy, jakija, na dumku ZŠA, parušajuć svabodu vieravyznańnia.
U subotu prezident Nihieryi Boła Tynubu adchiliŭ hetyja abvinavačańni.
«Charaktarystyka Nihieryi jak krainy z relihijnaj nieciarpimaściu nie adlustroŭvaje našu nacyjanalnuju realnaść i nie ŭličvaje paśladoŭnyja i ščyryja namahańni ŭrada pa abaronie svabody vieravyznańnia i pierakanańniaŭ dla ŭsich nihieryjcaŭ», — pieradaje słovy Tynubu ahienctva Reuters.
Ministerstva zamiežnych spraŭ Nihieryi ŭ asobnaj zajavie paabiacała praciahvać baraćbu z ekstremizmam i vykazała nadzieju na toje, što Vašynhton zastaniecca blizkim sajuźnikam krainy.
Ab jakich bajevikach-isłamistach idzie havorka?
Vajenizavanyja isłamisckija hrupoŭki «Boka Charam» i «Isłamskaja dziaržava ŭ Zachodniaj Afrycy» teraryzujuć žycharoŭ paŭnočna-ŭschodniaj častki krainy ŭžo bolš za dziesiać hadoŭ, paviedamlaje Bi-bi-si
Pavodle źviestak urada, za hetyja hady ad ruk bajevikoŭ zahinuli dziasiatki tysiač čałaviek.
Za 15 hadoŭ z momantu, kali džychadzisty pačali vajennyja dziejańni na paŭnočnym uschodzie krainy, miljony ludziej byli vymušanyja pakinuć svaje damy.
Adnak pavodle dadzienych manitorynhavaj hrupy Acled, z 2024 hoda kolkaść ludziej, zabitych u vyniku napadaŭ džychadzistaŭ na fiermieraŭ, bolš čym padvoiłasia.
U centralnaj častcy Nihieryi taksama adbyvajucca sutyknieńni pamiž pastuchami, pieravažna musulmanami, i fiermierami, časta chryścijanami, za dostup da vady i pašaŭ.
Achviarami padobnych sutyknieńniaŭ pavodle pryncypu «voka za voka» taksama stali tysiačy čałaviek, ale, pavodle acenak pravaabaroncaŭ, źvierstvy mahli ździajśniać usie baki kanfliktaŭ, i niama źviestak, što ataki nakiravanyja pieravažna suprać chryścijan.
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno2626
Kamientary
jakomu niama vychłapu.
spalić častku nasielnictva ŭ jakoj niebudź SVO - davoli vidavočny krok.