Pavietrany šar kantrabandystaŭ učora zalacieŭ u asabliva niebiaśpiečnuju zonu Vilenskaha aeraporta
U subotu ŭviečary pavietrany šar kantrabandystaŭ znoŭ parušyŭ pracu Vilenskaha aeraporta. Kiraŭnik Nacyjanalnaha centra kiravańnia kryzisami Viłmantas Vitkaŭskas paviedamiŭ radyjostancyi LRT, što adzin z pavietranych šaroŭ znachodziŭsia ŭ niebiaśpiečnaj zonie.
U subotu 8 listapada, pavodle słoŭ Viłmantasa Vitkaŭskasa, radary zafiksavali dziesiać abjektaŭ.
Jon adznačaje, što adzin kantrabandyscki šar apynuŭsia ŭ «vielmi niebiaśpiečnaj zonie, jakaja znachodzicca na trajektoryi pasadki i ŭźlotu ź Vilenskaha aeraporta».
«Tamu było pryniata rašeńnie pra časovaje spynieńnie palotaŭ», — paviedamiŭ kiraŭnik Nacyjanalnaha centra kiravańnia kryzisami.
Pavodle słoŭ Vitkaŭskasa, niejtralizacyja kantrabandysckaha šara ŭ nazvanym miescy była niebiaśpiečnaj, adnak jon padkreśliŭ, što armija prykładaje ŭsie namahańni dla hetaha.
«Kirunak vietru byŭ vielmi źmienlivym. Pakolki zona, dzie jon byŭ zafiksavany, niebiaśpiečnaja dla jaho niejtralizacyi, my nazirali i čakali, kali šar pakinie niebiaśpiečnuju zonu», — rastłumačyŭ kiraŭnik centra.
Akramia zhadanaha pavietranaha šara ŭ niebiaśpiečnaj zonie, niekalki takich šaroŭ, pavodle słoŭ Vitkaŭskasa, byli taksama zafiksavany na miažy Šalčyninkskaha i Varenskaha rajonaŭ.
«Hetyja šary nie ŭjaŭlali asablivaj niebiaśpieki, dva ź ich byli zafiksavany ŭžo paśla pryziamleńnia na terytoryju Litvy», — skazaŭ Vitkaŭskas.
U subotu ŭviečary pavietranaja prastora Vilenskaha aeraporta była zakryta 20:45 pavodle miascovaha času (21:45 pavodle biełaruskaha). Aeraport adnaviŭ pracu a 21:50.
U vyniku incydentu byli prypynieny čatyry rejsy, niazručnaści adčuła kala 600 pasažyraŭ.
U kastryčniku paloty mieteazondaŭ z terytoryi Biełarusi niekalki razoŭ parušali pracu staličnaha aeraporta.
Reahujučy na situacyju, urad Litvy da 30 listapada zakryŭ miažu ź Biełaruśsiu.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary
Čamu nie źbili šar na padlocie da aeraporta?