«Arešnik» nam patrebny, a «Pasiejdon» i «Buravieśnik» — nie. Łukašenka — pra zadačy dla VPK
«Asnoŭnyja ŭzbrajeńni treba mieć svaje».
Biełaruś pavinna raspracoŭvać i mieć svaje ŭzbrajeńni. Pra heta Alaksandr Łukašenka zajaviŭ na naradzie ŭ Minsku.
Pavodle jaho słoŭ, Biełaruś dziakujučy Rasii siońnia maje taktyčnuju jadziernuju zbroju, a ŭžo ŭ śniežni na bajavoje dziažurstva pastupić kompleks «Arešnik».
«Siońnia ŭ nas dobryja adnosiny z brackaj Rasijaj, z brackaj dziaržavaj. «Arešnik», jadziernaje ŭzbrajeńnie… «Buravieśnik», «Pasiejdon» nam nie patrebny, viadoma. Tamu što hety «Buravieśnik» lotaje sutki, možna zapuścić z Uładzivastoka — jon lubuju kropku parazić. Navošta jaho ciahnuć na pieradavuju? Ci, dapuścim, «Pasiejdon». Što my, na Naračy budziem «Pasiejdon» zapuskać?» — kaža Łukašenka.
Tym nie mienš, miarkuje jon, kali havorka idzie pra abaranazdolnaść krainy, spadziavacca tolki na takija vidy ŭzbrajeńnia, jak «Arešnik» i taktyčnaja jadziernaja zbroja, nielha.
«Tak, sapraŭdy, rasijanie dapamahali, dapamahajuć i buduć dapamahać z pryčyny toj palityki, jakuju my pravodzim u dačynieńni da Rasii. Ale asnoŭnyja ŭzbrajeńni nam treba mieć svaje, — kaža Łukašenka. — Jašče raz padkreślivaju: rakiety — heta dobra. Ale vajavać buduć ludzi. I tyja ŭzbrajeńni, jakija ludziam patrebny, my pavinny stvarać. Nie buduć tak efiektyŭnyja bieśpiłotniki ŭ nas, jak u stepie i hetak dalej. U nas lasny masiŭ, nie tak prosta bieśpiłotnikami vajavać».
Jon dadaŭ, što havorka idzie pra takija vidy ŭzbrajeńnia, jak aŭtamaty, kulamioty i pistalety, a taksama pra vajennuju techniku.
«Pryjechała vajennaja technika (dziesiać sałdat — adździaleńnie) — kanflikt va Ukrainie pakazvaje heta — mabilnyja hrupy nanieśli ŭdar i źbiehli. Na hetaj ža mašynie źjechali chutka. My majem takija mašyny. Dy i kitajcy nam prapanujuć, rasijanie. Ale ŭ nas svaje vielmi dobryja — «Vołat» — vypuskajem aŭtamabili, — skazaŭ jon. — Usio roŭna hety rod vojskaŭ [u vypadku vajennaha kanfliktu] budzie vyrašać hetyja prablemy na našaj terytoryi. Na inšych terytoryjach my nie źbirajemsia vajavać. Nam nie treba zachoplivać Litvu, Łatviju, Polšču. Nam svajoj ziamli dastatkova, tamu my budujem svaju abaronu».
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańni syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2
Kamientary
I nie fakt, čto vsiem mmožieš komandyvať, hienieraliśsimus ty naš...