U Dziaržaŭnaj Dumie Rasii ŭźnikła dziŭnaja dyskusija. Adzin z deputataŭ, kiraŭnik dumskaha kamiteta pa biudžecie i padatkach Andrej Makaraŭ, zajaviŭ, što hieroj savieckaj kazki Čaburaška byŭ jaŭrejem. Nahodaj, kab padzialicca takoj vysnovaj, stała abmierkavańnie finansavańnia konkursu «Rodnaja cacka», jaki pryznačany dla papularyzacyi rasijskich hulniaŭ i cacak zamiest zachodnich brendaŭ.
Padčas nazvanaha pasiadžeńnia siarod inšaha byŭ zhadany taki viadomy rasijski kazačny piersanaž, jak Čaburaška. I niečakana akazałasia, što nie ŭsie jaho ličać sapraŭdy rasijskim, a značyć, vartym papularyzacyi jak «ajčynny pradukt».
Deputat Andrej Makaraŭ zajaviŭ, što ŭ časy, kali stvaraŭsia multfilm pra Čaburašku, apielsiny ŭ SSSR pastaŭlała tolki adna kraina — Izrail. Tamu, pavodle jaho słoŭ, kali Čaburaška pavodle siužetu kazki trapiŭ u Saviecki Sajuz u skryncy z apielsinami, to, značyć, jon «jaŭrej i prybyŭ z-za miažy».
«Čieburaška — jevriej»: vniezapnyj fakt ot hłavy komitieta po biudžietu i nałoham na obsuždienii konkursa «Rodnaja ihruška» pic.twitter.com/iWBrK8KMAf
Kali niekatoryja inšyja ŭdzielniki pasiadžeńnia zaŭvažyli, što apielsiny ŭvozili taksama z Maroka i Ispanii, deputat adkazaŭ, što z Maroka pastaŭlali tolki mandaryny, a ź Ispanii apielsinaŭ tady nie było. «Čaburaška nie ispaniec», — padkreśliŭ jon.
Hety dyjałoh trapiŭ u ŚMI i vyklikaŭ aktyŭnaje abmierkavańnie ŭ sacsietkach.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca15
Kamientary