A ŭ čym sens?
Brytanski mastak Devid Šryhli pradaje hihanckuju haru starych zhniłych kanataŭ za adzin miljon funtaŭ sterlinhaŭ (heta 1,3 miljona dalaraŭ), piša Bild.
Doŭhija miesiacy jon jeździŭ pa Vialikabrytanii i źbiraŭ staryja viaroŭki ŭ partach, majsterniach i rybałoŭnych pradpryjemstvach. Hetaja absurdnaja hara važyć jak dvuchpaviarchovy aŭtobus — 10 ton, a daŭžynia ŭsich viarovak składaje 32 km.
Šryhli hanarycca svaim tvareńniem:
«Hetaja vystava pačałasia z vyrazu: staraja viaroŭka bieskarysnaja i jaje ciažka pierapracavać, tamu valajecca paŭsiul. Ja padumaŭ: što kali ja zrablu z hetaha litaralna vystavu starych viarovak? A zatym skažu: tak, heta mastactva, i tak, vy možacie kupić jaho za miljon funtaŭ. […] Hetaja rabota isnuje tamu, što mianie cikavić kaštoŭnaść, jakuju ludzi nadajuć mastactvu. Ja liču, što miljon funtaŭ — heta razumny košt, zbolšaha praź ideju i zbolšaha tamu, što heta značnaja kolkaść viaroŭki».
Mastacki krytyk brytanskaj The Sun piarečyć:
«Heta samy absurdny prajekt, jaki ja kali-niebudź bačyŭ. Mahčyma, jamu varta znoŭ zaniacca sapraŭdnym mastactvam, zamiest taho kab adciahvać uvahu ludziej kupami śmiećcia».
Tym nie mienš sa śniežnia hetuju kuču možna budzie ŭbačyć — «Vystava starych viarovak» adbudziecca ŭ halerei Styviena Frydmana ŭ Łondanie.
Devid Šryhli viadomy svaimi mudrahielistymi, humarystyčnymi malunkami, skulpturami, instalacyjami i publikacyjami. U 2020 hodzie jon atrymaŭ rycarski orden Brytanskaj impieryi (OBE) u pryznańnie jaho zasłuh u vyjaŭlenčym mastactvie.
Ciapier čytajuć
Stali viadomyja padrabiaznaści taho, jak u Vjetnamie zatrymali Vieramiejčyka21
Kamientary
Hetaja rabota isnuje tamu -- Hetaja PRACA --- mastacki tvor - heta "praca"