Biełaruskaje MZS paviedamiła, što ŭ Biełarusi šukajuć padazravanych u dyviersii na terytoryi Polščy
MZS Biełarusi paviedamiła, što Biełaruś razam z Polščaj šukaje padazravanych u dyviersii na čyhuncy. Paćvierdžana, što padazravanyja ŭjechali na terytoryju Biełarusi, i ciapier tut viaducca aktyŭnyja pošukavyja mierapryjemstvy.
Pavodle viedamstva, z polskimi strukturami prapracoŭvajucca kantakty hetych asob i vykonvajecca kompleks inšych apieratyŭnych dziejańniaŭ. Kali padazravanych znojduć u Biełarusi, ich zatrymajuć, a potym razhledziać pytańnie ab pieradačy Polščy ŭ adpaviednaści z pracedurami i abstavinami spravy.
Pry hetym u MZS adznačyli, što aficyjnaha zapytu ab pravavoj dapamozie ad Polščy jany pakul nie atrymali.
Polšča jašče nie adreahavała na zajavy biełaruskaha boku.
Dyviersija ŭ Polščy zdaryłasia 17 listapada: vybuch na čyhuncy paškodziŭ pałatno. Padazrajuć udzieł u hetym rasijskich śpiecsłužbaŭ. Dvoje padazravanych — hramadzianie Ukrainy — paśla incydentu, jak śćviardžajecca, zdoleli vyjechać z Polščy ŭ Biełaruś.
U suviazi z vybucham Polšča vyrašyła zakryć rasijskaje konsulstva ŭ Hdańsku i nakiravała Biełarusi notu ab vydačy padazravanych.
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary
Iŝut požarnyje,
Iŝiet milicija,
Iŝut fotohrafy
V našiej stolicie,
Iŝut davno,
No nie mohut najti
Parnia kakoho-to
Let dvadcati.