«Patrabavańni vychodziać za ramki razumnaha». U HZC na dziaŭčynku pasypalisia šklanyja dźviery — mama zapatrabavała pucioŭku na mora siamji
Minčanka ŭ Instagram abvinavaciła kiraŭnictva dziciačaha zabaŭlalnaha centra ŭ chałatnaści, z pryčyny jakoj dačka žančyny paciarpieła z-za ŭvachodnych dźviarej, pišuć «Minsk-Naviny».
— 13 listapada 2025 hoda ŭ 19:40 naša siamiejnaje śviata ŭ dziciačym centry WOW Land (pr-t Pieramožcaŭ, 84, Minsk) skončyłasia kašmaram. Naša starejšaje dzicia traŭmiravali šklanyja dźviery, jakija abrynulisia, — aburajecca žančyna ŭ sacsietcy. — Heta nie prosta niaščasny vypadak. Heta pramoje nastupstva chałatnaści, jakoje pryviało da fizičnych traŭmaŭ, špitalizacyi i najmacniejšaj psichałahičnaj traŭmy ŭsioj našaj siamji.
Aŭtarka pasta padrabiaznaściami nie padzialiłasia, adnak, akramia «spraviadlivaści, poŭnaj prazrystaści i pakryćci škody», zapatrabavała pradastavić videa padzieńnia dźviarej, finansavyja dakumienty, akty pryjomu-pieradačy i techabsłuhoŭvańnia dźviarej.
Minčanka zadajecca pytańniem, čamu administratar nie akazaŭ pieršuju dapamohu paciarpiełaj dziaŭčyncy i nie vyklikaŭ chutkuju. Taksama śćviardžajecca, što ŭ toj dzień «nie było zajaŭlenaj prahramy, viadučy akazaŭsia niekampietentnym, a imianińnik zastaŭsia bieź vinšavańnia».
Niehatyŭny vodhuk raspaŭsiudziŭsia ŭ siecivie i nabraŭ tysiačy prahladaŭ.
Adnak u kamientarach mierkavańni padzialilisia, asabliva paśla źjaŭleńnia tam aficyjnaj pazicyi administracyi Wow Land Minsk:
«My zrabili ŭsio mahčymaje dla vyrašeńnia dadzienaj situacyi: prapanavali viarnuć hrošy za śviata, apłacić lačeńnie vašaha dziciaci i pakryć vydatki na psichołahaŭ, adnak vy addali pieravahu daviarać tolki svaim śpiecyjalistam. My hatovy byli pajści nasustrač, ale vašyja patrabavańni ab kampiensacyi pajezdki na mora ŭsioj Vašaj siamji, na žal, vychodziać za ramki razumnaha i nie źviazanyja ź lačeńniem».
Udakładniajecca, što centr nie maje dačynieńnia da pabitych dźviarej, bo źjaŭlajecca arandataram pamiaškańnia. Pradstaŭniki administracyi papiaredzili, što buduć źviartacca ŭ sud u vypadku dalejšaha raspaŭsiudžvańnia paklopu.
Miž tym pradstaŭniki administracyi HC «Arena Sici» raskryli padrabiaznaści incydentu:
- Pry začynieńni dziciom dźviarej adbyłosia ich poŭnaje razbureńnie. Na miesca nieadkładna prybyli supracoŭniki achovy i administratary handlovaha centra. Niahledziačy na niaznačnyja paškodžańni skury dziciaci, vyklikanych padzieńniem askiepkaŭ škła, było pryniata rašeńnie ab vykliku chutkaj miedycynskaj dapamohi, da prybyćcia jakoj na miescy incydentu ŭvieś čas znachodzilisia pradstaŭniki administracyi handlovaha centra i pradstaŭniki arandatara.
Paviedamlajecca, što paśla incydentu administracyja handlovaha centra i pradstaŭniki arandatara paprasili prabačeńnia i pastajanna padtrymlivali suviaź z zakonnym pradstaŭnikom dziciaci. Siamji prapanavali viarnuć hrošy za akazanyja pasłuhi, a taksama kampiensavać mahčymyja zatraty dla adnaŭleńnia dziciaci.
- Heta nie zadavoliła baćkoŭ dziaŭčynki, paśla čaho jany apublikavali niehatyŭny post u sacsietcy ŭ vyhadnym dla siabie vyhladzie, — ličać u administracyi handlovaha centra. - My nie majem namieru paddavacca pravakacyjam z boku karystalnikaŭ sacsietak, jakija sprabujuć padahreć cikavaść da incydentu, i ŭsie namahańni nakirujem na ŭstanaŭleńnie pryčyn i abstavinaŭ zdareńnia vyklučna ŭ ramkach pravavoha pola.
Miž tym, zaraz vyśviatlajucca pryčyny i abstaviny razbureńnia dźviarej, vyrablenych z zahartavanaha škła, a ŭpaŭnavažanymi orhanami pravodzicca pravierka.
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary
Svoim klijentam oni nie mohut etoho pozvoliť )