Značnaja kolkaść ludziej, jakija žyvuć ciapier, majuć u svajoj bijałahičnaj struktury hieny nieandertalcaŭ. Hety, zdajecca, nievierahodny fakt ustanaviŭ navukovy kalektyŭ sa znakamitaha Instytuta evalucyjnaj antrapałohii imia Maksa Płanka.
Daśledavańni pakazali, što da 4 pracentaŭ sučasnych žycharoŭ Jeŭrazii majuć hieny, jakija dastalisia im u spadčynu ad nieandertalcaŭ. «Nieandertalcy poŭnaściu nie źnikli, jany praciahvajuć žyć siarod nas u formie hienietyčnaj spadčynnaści», — zajaviŭ adzin z kiraŭnikoŭ rabot prafiesar Svante Paava.
Adkryćcio zroblena ŭ vyniku poŭnaj rasšyfroŭki hienietyčnaha koda nieandertalcaŭ i jaho paraŭnańnia z kodam sučasnych ludziej.
Nieandertalcy, jakija razhladajucca sučasnaj navukaj jak tupikovaja halina raźvićcia čałaviečaha rodu, nasialali Ziamlu na praciahu amal 250 tys. hadoŭ i vymierli 24 tys. hadoŭ tamu. Doŭhi čas jany žyli pobač z sučasnym vidam čałavieka razumnaha (homo sapiens), adnak, nie vytrymaŭšy kankurencyi z boku apošniaha, źnikli.
Navuka ličyła, što prodki sučasnych ludziej i nieandertalcy, niahledziačy na svaju vidavuju blizkaść, nikoli nie ŭtvarali sumiesnych par i siemjaŭ. Adnak ciapier hety punkt hledžańnia pastaŭleny pad sumnieŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary