19—20 maja Biełaruś z rabočym vizitam naviedaje premjer‑ministr Kazachstana Karym Masimaŭ u supravadžeńni pradstaŭničaj delehacyi dziełavych kołaŭ.
Jak paviedamlaje pres‑słužba MZS Biełarusi, prahramaj znachodžańnia praduhledžany sustrečy Masimava z premjer‑ministram Biełarusi Siarhiejem Sidorskim, udzieł u plenarnym pasiadžeńni Biełaruska‑kazachstanskaha dziełavoha forumu, a taksama naviedvańnie Parka vysokich technałohij.
Pavodle źviestak MZS, u ahulnym abjomie źniešniaha handlu Biełarusi
z krainami SND Kazachstan zajmaje treciaje miesca paśla Rasii i Ukrainy.
U 2009 hodzie tavaraabarot pamiž Biełaruśsiu i Kazachstanam skłaŭ 388,3 młn. dalaraŭ (źniziŭsia na 27,7% adnosna 2008 hoda), ekspart — 313,4 młn. dalaraŭ, impart — 74,9 młn. dalaraŭ. Salda stanoŭčaje — 238,5 młn. dalaraŭ.
U studzieni—sakaviku 2010 hoda ŭ paraŭnańni z anałahičnym letašnim pieryjadam tavaraabarot pavialičyŭsia na 40,6% da 106,7 młn. dalaraŭ, ekspart — na 56,5% da 91,8 młn. dalaraŭ, impart skaraciŭsia na 13,5% da 14,9 młn. dalaraŭ. Salda stanoŭčaje — 76,9 młn. dalaraŭ.
Asnovu biełaruskaha ekspartu składajuć pastaŭki cukru, šyn, małočnaj pradukcyi, traktaroŭ, lekavych srodkaŭ, bytavoj aparatury i techniki (chaładzilniki, marazilniki i chaładzilnaje abstalavańnie, pralnyja mašyny), sielskahaspadarčaj i aŭtamabilnaj techniki, mebli.
Kazachstan pastaŭlaje u Biełaruś prakat płoski z vuhlarodzistaj i lehiravanych stalej, soli fosfarnych kisłot, stužki kanviejernyja, fieraspłavy, aluminij i cynk, padšypniki.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy57
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary