Siemjam vieteranaŭ «SVA» płanujuć zrabić biaspłatnaj praceduru EKA, bo mužčyny «nie paśpiavajuć stać baćkami»
U tłumačalnaj zapiscy da zakonaprajekta taksama havorycca, što na froncie ŭkrainskija vajskoŭcy kastryrujuć rasijskich mužčyn, što pryvodzić da straty repraduktyŭnaj funkcyi.
Žonkam vieteranaŭ vajny va Ukrainie, jakija viarnulisia, płanujuć dazvolić biaspłatna karystacca dapamožnymi repraduktyŭnymi technałohijami (DRT), u tym liku ekstrakarparalnym apładnieńniem (EKA). Zaraz za košt Abaviazkovaha miedycynskaha strachavańnia hetu praceduru robiać tolki pry dyjahnastavanym biaspłodździ, piša «Dožd́» sa spasyłkaj na «Viedamaści».
Taksama biaspłatnaj płanujuć zrabić štučnuju insieminacyju.
Nieabchodnaść uklučeńnia EKA ŭ Abaviazkovaje miedycynskaje strachavańnie aŭtary zakonaprajekta tłumačać nastupnym čynam. Pa-pieršaje, vajskoŭcy, jakija iduć na słužbu maładymi, nie paśpiavajuć stać baćkami. Pa-druhoje, u tłumačalnaj zapiscy da zakonaprajekta havorycca, što na froncie ŭkrainskija vajennyja kastryrujuć rasijskich mužčyn, što pryvodzić da straty repraduktyŭnaj funkcyi.
«Viedamaści» ŭdakładniajuć, što siemji pry hetym pavinny samastojna płacić za zabor i zachoŭvańnie bijamateryjału. Papraŭki płanujuć unieści ŭ Siamiejny kodeks RF, a taksama ŭ zakony ab vieteranach i aktach hramadzianskaha stanu.
Pry hetym, jak adznačaje vydańnie, udovy zahinułych vieteranaŭ taksama zmohuć vykarystoŭvać DRT pry ŭmovie, što zahinuły muž pakinie adpaviednuju zhodu, zavieranuju nataryusam.
Zaraz EKA vykarystoŭvajuć vyklučna pry biaspłodździ — mahčymaść pravieści praceduru pa AMS źjaviłasia ŭ 2016 hodzie, raspavioŭ «Viedamaściam» prezident Rasijskaj asacyjacyi repradukcyi čałavieka Uładzisłaŭ Korsak.
Jon adznačyŭ, što za 2025 hod u Rasii praviali kala 180 tysiač cykłaŭ EKA, pry hetym za košt AMS było zroblena kala 104 tysiač pracedur.
Pry hetym vykarystańnie paśmiarotnaha bijamateryjału ŭ hetym vypadku nie zaklikana vyrašać demahrafičnuju prablemu ŭ krainie, ličyć člen kamiteta Dziarždumy pa pracy i spravach vieteranaŭ Kaciaryna Ścianiakina.
Takaja praktyka patrebna, kab «u siamji zahinułaha hieroja, dzie muž i žonka maryli ab naradžeńni dziciaci, hety cud sapraŭdy adbyŭsia».
-
«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary
Vuń łukašenkaŭ baćka ŭ II Suśvietnuju zahinuŭ, a jaho samoha matka biez baćki naradziła tolki ŭ 1954-m.
I čamu rasijanskaja prapahanda za čatyry hady vajny nie pradjaviła śvietu nivodnaha kastravanaha va ŭkrainskim pałonie rasijca?