U Minsku pjany kiroŭca źbiŭ piešachoda, a jaho niećviarozy pasažyr chacieŭ źjechać ź miesca DTZ na tym ža aŭto
Siońnia ranicaj 23‑hadovy kiroŭca aŭtamabila Opel, ruchajučysia pa haściavoj stajancy budynka №3 pa vulicy Haškieviča, ździejśniŭ najezd na 26‑hadovaha mužčynu, jaki išoŭ pa chodnikach
Piešachoda dastavili ŭ balnicu dla abśledavańnia.
Paśla DTZ kiroŭca zastaŭsia na miescy zdareńnia, a jaho 24‑hadovy pasažyr pierasieŭ za rul i praciahnuŭ ruch pa stajancy, paśla čaho byŭ spynieny supracoŭnikam patrulna-pastavoj słužby.
Supracoŭniki adździeła DAI Leninskaha RUUS Minska, jakija prybyli na miesca zdareńnia, vinavataha DTZ i jaho pasažyra nakiravali na miedycynski ahlad, jaki vyjaviŭ najaŭnaść u arhanizmach u kožnaha ź ich kala dvuch pramile ałkaholu.
Vyśvietliłasia, što pasažyr nikoli nie atrymlivaŭ paśviedčańnie kiroŭcy. Parušalniki dastaŭlenyja ŭ rajonnaje ŭpraŭleńnie ŭnutranych spraŭ, aŭtamabil — na achoŭnuju stajanku.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary