«Aproč natatkaŭ u «Našu Nivu», ja zajmaŭsia jašče vialikaj knihaj pra Biełaruś; padrychtavaŭ dla druku zbornik svaich artykułaŭ i apaviadańniaŭ; u rešcie rešt, rabiŭ zanatoŭki, jakija čałavieku tvorčamu na tle cudoŭnaj pryrody sami saboj prychodziać».
Za arhanizacyju niesankcyjavanaha vystupu suprać aficyjnych vynikaŭ parlamenckich vybaraŭ i referendumaŭ u kastryčniku 2004 h. były lider niezarehistravanaj partyi «Małady front» Pavał Sieviaryniec staŭ «palitchimikam».
U toje, što za arhanizacyju zabaronienaha mierapryjemstva jon nie adkazny, sud jamu nie pavieryŭ i pasłaŭ na dva hady na ŭskrainu Biełarusi, u viosku Małoje Sitna, narychtoŭvać drovy. Patrapiła, što ŭ hetaj sytuacyi małady palityk znachodzić šmat pieravahaŭ, pra jakija jon raspavioŭ Alaksandry Farn.
«Hety hod byŭ dla mianie hodam tvorčaści. Pakolki, aproč natatkaŭ u «Našu Nivu», ja zajmaŭsia jašče vialikaj knihaj pra Biełaruś; padrychtavaŭ dla druku zbornik svaich artykułaŭ i apaviadańniaŭ; u rešcie rešt, rabiŭ zanatoŭki, jakija čałavieku tvorčamu na tle cudoŭnaj pryrody sami saboj prychodziać».
Pavodle Sieviarynca, hety hod dla jaho byŭ hodam dystancyjnaj palityki, suviazi ź jahonymi adnadumcami ŭ moładzievym ruchu, chryscijanska-demakratyčnym ruchu.
«Mianie vielmi ŭściešyła, što za hety hod i Małady Front, i Biełaruskaja Chryścijanskaja Demakratyja pakazali siabie strukturami, zdolnymi samastojna dziejničać. Heta ŭžo nie struktury, u jakich usio zaležyć ad adnaho čałavieka, a žyvyja dziejsnyja ruchi, jakija ŭžo vyznačajuć abličča siońniašniaj i budučaj biełaruskaj palityki», – havoryć Pavał.
Na pytańnie, ci adčuvaje jon, što źmianiŭsia praz hety čas u zaścienkach, jon adkazvaje:
«Naturalna, źmianiłasia kraina – mianiajemsia i my. Dla mianie mnohija rečy sapraŭdy byli adkryćciom. Tut, u hłybincy, jakuju palitolahi, sacyjolahi adnosiać da terytoryi Łukašenki, ja ŭbačyŭ, što pryblizna pałova ludziej pratestuje ŭ toj ci inšaj formie. Pałova ludziej hatovaja padtrymać pieramieny, pryčym heta maładziejšaja, bolš dziejsnaja pałova. Razumieńnie hetaha, miarkuju, źmianiła i mianie».
Pavodle mierkavańnia Sieviarynca, dla luboha menedžara i navat lidera biełaruskaj demakratyi nieabchodna pražyć u vioscy hod, kab zrazumieć nastroj narodu i taksama pahladzieć na realnuju sytuacyju ŭ krainie.
«Ździviła strašenna hłybinia zaniapadu biełaruskaj vioski. Spojvańnie vioski praktyčna tatalnaje. Razburanyja kałhasy, saŭhasy, fermeraŭ daniali da takoj stupieni, što nia mohuć navat jopłacić padatkaŭ, załaziać u pazyki. Ludzi nia majuć nijakich perspektyvaŭ, atrymlivajuć pa piaćdziasiat dalaraŭ i žyvuć na hetyja hrošy».
Pavodle Sieviarynca, u hety čas biełaruski moładzievy ruch aktyŭna naładžvaje suviazi z adnadumcami ŭ inšych krainach.
«Praces hety pačaŭsia, ale praryŭ na mižnarodnym napramku my prymiarkoŭvajem da ŭstanoŭčaha źjezdu. Mienavita na jaho planujem zaprasić pradstaŭnikoŭ usich bujnych partyjaŭ. Pakul što jość vielmi surjoznyja stasunki z ukrainskimi chryścijanskimi demakratami, z łatyskimi (tam pieršaja partyja Łatvii taksama ŭvachodzić va ŭrad), ź litoŭskimi, polskimi, narveskimi i švedzkimi kalehami. Ale majecie racyju: najbolš surjoznaja chryścijanskaja demakratyčnaja siła – heta niamieckaja CHDS/CHSS. Tut u nas suviazi pa linii Junhe Junijon, heta moładzievaja arhanizacyja CHDS/CHSS. I jašče spadčyna «Maładoha frontu» i pa linii Fondu Konrada Adenaŭera, heta viadučy Chryścijanska-Demakratyčny fond. Paru hadoŭ tamu my ładzili kanferencyju «Biełaruś – u Eŭropu».
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary