Jany damahlisia ŭ sudzie admieny pastanovy pra ŭviadzieńnie kvotaŭ na dublavańnie filmaŭ pa-ŭkrainsku. Ale vyśviatlajecca, što biaz hetaj pastanovy absalutna ŭsie filmy musiać zahučać vyklučna pa-ŭkrainsku.
Kijeŭski apelacyjny sud skasavaŭ pastanovu kabineta ministraŭ pra abaviazkovaje dubiałvańnie filmaŭ na ŭkrainskaj movie.
16 žniŭnia Kijeŭski apelacyjny sud skasavaŭ pastanovu kabineta ministraŭ №20 ad 16 studzienia 2006 hodu pra abaviazkovaje dublavańnie častki filmaŭ pa-ŭkrainsku. Heta paćvierdziŭ “Telekrytycy” načalnik adździełu infarmacyi Ministerstva kultury i turyzmu Bahdan Bilašyŭśkyj.
“Kijeŭski apelacyjny sud u składzie kalehii sudździaŭ z troch čałaviek zadavoliŭ pazoŭ ukrainskich prakatnikaŭ na rašeńnie kabinetu ministraŭ Ukrainy nakont kvoty filmaŭ, jakija musiać być dublavanyja pa-ŭkrainsku, i tym samym admianiŭ rašeńnie sudovaj instancyi, jakaja raniej hety pazoŭ adchiliła.
Była ahučanaja tolki vynikovaja častka, biez arhumentacyi, na padstavie čaho prymajecca takoje rašeńnie. Ale Zakon Ukrainy pra kinematahrafiju, artykuł 14, havoryć pra toje, što inšaziemnyja filmy pierad raspaŭsiudžvańniem va Ŭkrainie ŭ abaviazkovym paradku pavinnyja być dublavanyja abo ahučanyja, abo subtytravanyja dziaržaŭnaj movaj. Tam dalej viadziecca pra toje, što jany mohuć być ahučanyja ci subtytravanyja movami nacyjanalnych mianšyniaŭ. Ale padkreślu, u abaviazkovym paradku jany pavinny być ahučanyja ci subtytravanyja dziaržaŭnaj movaj – a Zakon nichto nie admianiaŭ.
Pastanova kabinetu ministraŭ była pryniataja dla taho, kab vypracavać mechanizm hetaha dublavańnia i dać mahčymaść kinaprakatnikam atrymać pierachodny peryjad, kab potym vyjści na peŭnyja abjomy dublažu. Takim čynam, Zakon zastajecca dziejnym pa siońniašni dzień. Heta čornym na biełym zapisana. Skasavanaja tolki pastanova kabineta ministraŭ. Heta nie aznačaje, što ŭ nas nia budzie ŭkrainskaha kino. Ministerstva zaraz farmuje svaju pazycyju. Ale abskardvać hetaje rašeńnie kabinetu ministraŭ moža tolki sam kabinet ministraŭ.”
U presavaj słužbie kabinetu ministra 17 žniŭnia pra skasavańnie pastanovy ničoha nia viedali, i paabiacali sfarmulavać svaju pazycyju paźniej, paśla aznajamleńnia z rašeńniem sudu.
Kamientary