Redaktar «Sovietskoj Biełoruśsii» krytykuje dziaržaŭnaje telebačańnie

i chvalić udzielnikaŭ «Pražektarperyschiłtan». A zaadno uskładaje nadzieju na novyja prajekty ANT i STB.

U subotnim vypusku «SB» na pieršaj pałasie byŭ nadrukavany artykuł hałoŭnaha redaktara vydańnia Paŭła Jakuboviča «Efirnyja stvareńni». «Dźvie traciny teležurnalistaŭ, što pracujuć u kadry, stvarajuć ustojlivaje ŭražańnie inkubatara. Časam dumaješ: ci nie tata Karła dołatam i rubankam stvaryŭ ich kanviejernym mietadam? Sprabujučy razhadać hety fienomien, dapuskaju, što, moža być, heta nastupstva masavaha ŭskładnieńnia jakojści tajnaj pandemii biezhustoŭščyny? Moža, im padajecca, što heta nadzvyčaj kiniematahrafična: rabić vialikija vočy, uzbudžana łapatać na biahu i niby lalka ŭvierch-uniz machać abiedźviuma rukami?» — piša Pavieł Jakubovič.

«Sumna i trošku śmiešna hladzieć na kłanavanych chłopčykaŭ i dziaŭčatak, što bliskajuć manierami tancoraŭ tanha i afrykanskaj žestykulacyjaj. Pry čym usio adno — što ŭ viasiołym repartažy z radzilni, što ŭ sumnym kamientary na pachavalnuju temu. Infarmacyjnaja nahoda tut hłyboka druhasny»,

Pakrytykavaŭšy, Pavieł Jakubovič kaža «chopić pra sumnaje», i z aptymizmam raspaviadaje pra novyja prajekty na telekanałach ANT («Kuchnia») i STV («5 chvilin z...»). Pry hetym hałoŭny redaktar kaža pra prablemu najaŭnaści ludziej, zdolnych «uciamna žartavać pierad kamieraj».

«Navat na hihanckaj miedyjaprastory Rasii možna pa palcach adnoj ruki pieraličyć daścipnych teleludziej (Marcirasian, Śvietłakoŭ, Cekała, Urhant (aŭtary i ŭdzielniki papularnaj rasijskaj satyryčnaj pieradačy «Pražektarperyschiłtan», vypuski jakoj, pryśviečanyja Alaksandru Łukašenku, nieadnarazova cenzuravalisia ŭ Biełarusi — nn.by), Loniečka Jakubovič, Hałkin — možacie kahości dadać samastojna), to zrazumieła, ź jakim deficytam viasiołych i kiemlivych sutyknułasia ONT».

Dalej Pavieł Jakubovič razvažaje na temu palityčnych žartaŭ. «Uvohule kažučy, śmiejučysia rasstavacca ź minułym — zadača strašenna ciažkaja, dobra viedaju heta ad časoŭ kiraŭnictva «Piatnicaj» u lehiendarnym «Znamieni junosti» 80-ch hadoŭ.

Paradaksalna, ale žartavać na palityčnyja temy z tych časoŭ stała zusim nie kamfortniej. Nia hledziačy na źmienu epochaŭ, ludziej ź pilnymi vačyma hatovych u vypadku čaho adrazu ž stukać va ŭsie «instancyi», mienš nie robicca, i žartaŭniki ličać za lepšaje nie vysoŭvacca.

• 0
• 0
• 0
• 0
• 0
• 0
• 0
• 0