Biełaruś zaniała čaćviertaje miesca ŭ rejtynhu krain z samaj niedastupnaj žyłoj nieruchomaściu. Pra heta havorycca ŭ daśledavańni mižnarodnaj kampanii Evans.
Pavodle daśledavańnia, siaredni košt kvatery ŭ Biełarusi składaje 90 tysiač jeŭra pry siarednim hadavym dachodzie siamji ŭ 3203 jeŭra. Takim čynam, siaredniestatystyčnamu biełarusu treba źbirać na nieruchomaść 28,1 hoda.
Daŭžej za ŭsio (67,5 hadoŭ) adkładać srodki na kvateru daviadziecca žycharam Maroka. Siaredni košt žyłoj nieruchomaści ŭ hetaj afrykanskaj krainie składaje 144 800 jeŭra, a siaredni hadavy dachod siamji znachodzicca na ŭzroŭni 2145 jeŭra. Na druhim miescy raźmiaściŭsia Pakistan, dzie nabyć kvateru možna praz 40,6 hadoŭ pracy. Siaredniaja cana žylla tut składaje 74 953 tysiačy jeŭra, siaredni hadavy dachod — 1846 jeŭra.
Zamykaje trojku lidaraŭ Čarnahoryja, dzie siaredni košt kvatery składaje 151 155 tys. jeŭra, a siaredni dachod — 5038 jeŭra. Nabyć žyllo čarnahorac moža, adkładajučy zarpłatu na praciahu 30 hadoŭ.
Rasija ŭ rejtynhu zaniała piataje miesca. Pavodle daśledavańnia, siaredni košt kvatery ŭ Maskvie składaje 303 151 tysiačy jeŭra pry siarednim hadavym dachodzie siamji ŭ 11 615 jeŭra. U rehijonach hetyja pakazčyki składajuć 64 102 tysiačy i 3080 jeŭra adpaviedna. Takim čynam, siaredniestatystyčnamu rasijcu treba źbirać na nieruchomaść 26,1 hoda.
Najbolš dastupnaja nieruchomaść znachodzicca ŭ ZŠA. Pry siarednim košcie žylla ŭ 95 536 tysiačy jeŭra, siaredni hadavy dachod siamji składaje 35 384 tysiačy jeŭra. Takim čynam, nabyć kvateru amierykaniec moža ŭžo praz 2,7 hady pracy. Na druhim miescy — Daminikanskaja Respublika, hramadzianam jakoj dla kupli žylla siaredniuju zarpłatu treba adkładać na praciahu 3,5 hadoŭ (košt žylla — 33 516 tysiačy jeŭra, prybytak — 9576 jeŭra). Treciuju pazicyju zajmaje Čyli z pakazčykam u 4,05 hoda (siaredniaja cana kvatery — 45 794 tysiačy jeŭra; hadavy dachod — 11 307 tysiačy jeŭra).
Na čaćviertym miescy apynułasia Šviecyja (4,2 hoda). Siaredniaja cana kvatery tut składaje 119 536 tysiačy jeŭra, siaredni dachod — 28 461 tysiačy jeŭra. Bielhija zamykaje piaciorku lidaraŭ z pakazčykam u 4,3 hoda (siaredniaja cana žylla — 121 723 tysiačy jeŭra, prybytak siamji — 28 307 tysiačy jeŭra).
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary