zajaviŭ kandydat u prezidenty Mikałaj Statkievič 13 śniežnia na pradprymalnickim forumie «Prahrama „Pierśpiektyva“ — pasłańnie biźniesu dla budučaha prezidenta Biełarusi», arhanizataram jakoha vystupiła RHA «Pierśpiektyva».
Jak adznačyŭ Statkievič, infarmacyja ab rejtynhu Łukašenki była atrymana ŭ pieryjad zboru podpisaŭ inicyjatyŭnaj hrupaj kandydata. «Pry zbory podpisaŭ vałanciory zapaŭniali śpiecyjalnuju tablicu z ukazańniem numara doma, kvatery, a taksama zapisvali nastroi hramadzian. Pa hetaj tablicy atrymałasia, što Łukašenku ŭ stalicy padtrymlivaje 22–23%», — rastłumačyŭ palityk.
Razam z tym jon adznačyŭ, što ŭ Minsku nazirałasia apatyja da vybaraŭ:
«Na momant zboru podpisaŭ mienš za pałovu hramadzian stalicy vykazvali žadańnie pryjści na vybary».
Pavodle jaho słoŭ, nizkaja jaŭka vyhadnaja ŭładam, heta daść im mahčymaść zrabić tak, kab kolkaść tych, chto prahałasavaŭ za Łukašenku, skłała 80%.
Statkievič zajaviŭ, što
rejtynh Łukašenki ŭ rehijonach składaje pryblizna 30%.
«Ale tam u peŭnych słajach nasielnictva nazirajecca vialikaje nieprymańnie dziejnaj ułady. Ludzi azłoblenyja», — adznačyŭ jon.
Kandydat u prezidenty Ryhor Kastusioŭ, jaki taksama naviedaŭ forum, zhadziŭsia ź ličbaj Statkieviča.
U svaju čarhu
Aleś Michalevič zajaviŭ, što, pavodle jaho acenki, u pieršym tury Łukašenku hatovy padtrymać 42% vybarščykaŭ.
Alternatyŭnyja kandydaty majuć dobruju padtrymku ŭ abłasnych centrach i inšych bujnych haradach.
«Ale my tatalna prajhrajem u nievialikich rajcentrach», — skazaŭ kandydat.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary