Śpiavaje Volski, redaktary adkažuć na pytańni. 23 listapada — u Miensku, 30 listapada — u Białyničach i Mahilovie. 24 listapada — dabračynny furšet. Zaprašajem!
23 listapada našaj hazecie spaŭniajecca 100 hadoŭ. Heta nia prosta jubilej adnaho vydańnia. U 1906 hodzie pačalisia biełaruski peryjadyčny druk i razbudova nacyjanalnaje infrastruktury. Pry inšaj uładzie hetaje śviata adznačałasia b na najvyšejšym uzroŭni. A ŭ stalicy RB 2006 hodu Redakcyi admovili ŭsie zali, u jakija my źviartalisia, kab pravieści ŭračysty schod. Viadoma čamu: u Pałacy mastactvaŭ nam šapnuli, što paśla papiaredniaj viečaryny «NN» im «telefanavali».
Choć «Naša Niva» imkniecca trymać dystancyju ad usich palityčnych siłaŭ, vymušanyja pravieści ŭračystaść na Siadzibie Partyi BNF. Za takuju mahčymaść Frontu ščyra dziakujem. Adnak zala tam małaja. Što ž: zamiest adnaho vyrašali pravieści dva ŭračystyja schody. Pieršy pačniecca a 17-j, druhi – a 19-j hadzinie 23 listapada (čaćvier). Adras Siadziby BNF: Varvašeni, 8 (kala metro «Płošča Pieramohi»). Pieršaja viečaryna skončycca a 18.45, druhaja – a 20.45.
Budzie śpiavać Lavon Volski, vystupić Uładzimier Arłoŭ, redaktary vydańnia adkažuć na pytańni.
Z pryčyny pamieru pamiaškańnia prosim usich vybrać peŭny čas, zachoŭvać paradak i prapuskać napierad žurnalistaŭ, muzykaŭ, zamiežnych haściej.
Čakajem usich.
Furšet z nahody jubileju
24 listapada (piatnica) a 19-j hadzinie adbudziecca dabračynny furšet z nahody 100-hodździa «Našaj Nivy» z udziełam znakamitych aŭtaraŭ vydańnia z metaj zboru hrošaj na hazetu. Kab uziać udzieł u furšecie, treba pierakazać na rachunak Redakcyi 100 tys. rubloŭ. Kolkaść zaprašalnych biletaŭ abmiežavanaja. Daviedki praz t. 284-73-29, (029) 613-32-32, (029) 707-73-29.
23 listapada Vilnia pieradaść estafetu Miensku, dzie adbudziecca padvojny ŭračysty schod.
U toj samy dzień inšaja supołka vilenskich biełarusaŭ u pamiaškańni Sajuzu piśmieńnikaŭ Litvy ładzić śviatočnuju viečarynu (a 17-j hadzinie, vulica Syrvida, 6).
30 listapada śviata pierajedzie ŭ Białyničy j Mahiloŭ.
Na Dniapry j Druci
Jubilejnyja viečaryny «NN» u Białyničach i Mahilovie adbuducca 30 listapada z udziełam Andreja Chadanoviča, Daniły Žukoŭskaha, Andreja Dyńka. Daviedki praz t. (029) 388-35-61, Aleh.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary