Kazulin spadziajecca, što Jeŭraparłamient prymie «žorstkuju rezalucyju pa Biełarusi z realnaj acenkaj situacyi»
Kandydat na prezidenckich vybarach u Biełarusi 2006 hoda Alaksandr Kazulin na sustrečy z žurnalistami ŭ Bierlinie 11 studzienia vykazaŭ nadzieju, što Jeŭraparłamient prymie «žorstkuju rezalucyju pa Biełarusi z realnaj acenkaj situacyi».
Pradstaŭniki demakratyčnych sił naviedvajuć jeŭrapiejskija stalicy, dzie sustrakajucca z žurnalistami, kab dać svaju acenku situacyi ŭ Biełarusi, a taksama pravodziać zakrytyja kansultacyi z pradstaŭnikami ŭradaŭ i parłamientaŭ. Biełaruskija apazicyjaniery ŭžo naviedali Varšavu, u Vilni i Prazie, u pryvatnaści, sustrelisia ź ministrami zamiežnych spraŭ Litvy i Čechii. Paśla Bierlina delehacyja nakirujecca ŭ Brusiel. Pajezdka arhanizavana Biuro salidarnaści z demakratyčnaj Biełaruśsiu.
Nahadajem, 12 studzienia płanujecca dyskusija ab situacyi ŭ Biełarusi, jakaja projdzie ŭ Brusieli padčas pasiadžeńnia kamiteta pa zamiežnych spravach Jeŭraparłamienta. Adkazvajučy na pytańnie pradstaŭnika MZS Hiermanii, adzin z kaardynataraŭ kampanii «Za spraviadlivyja vybary» Siarhiej Kalakin vykazaŭ nadzieju, što słuchańni pa Biełarusi projduć taksama ŭ Parłamienckaj asamblei Savieta Jeŭropy. «Saviet Jeŭropy taksama pavinien dać zrazumieć biełaruskim uładam, što z takoj palitykaj niama čaho raźličvać na adnaŭleńnie statusu śpiecyjalnaha zaprošanaha ŭ PASIE», — skazaŭ jon.
Pradstaŭniki biełaruskich demakratyčnych sił krytykavali situacyju ŭ Biełarusi i zaklikali Jeŭrasajuz akazać mižnarodnuju kansalidavanuju padtrymku.
U
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary