Jak paviedamiŭ pradstaŭnik Biełaruskaj asacyjacyi žurnalistaŭ Andrej Alaksandraŭ na słuchańniach pa Biełarusi ŭ Jeŭraprałamiencie, staršyniu BAŽ Žanu Litvinu siońnia vyklikali ŭ KDB na dopyt u jakaści śviedki pa zaviedzienaj kryminalnaj spravie.
«Represiŭnaja mašyna z 19 śniežnia nabiraje abaroty: pieratrusy i dopyty niezaležnych žurnalistaŭ, hramadzianskich i apazicyjnych aktyvistaŭ praciahvajucca… Na žal, niezaležnaja presa i niedziaržaŭnyja arhanizacyi ličać, što situacyja, praŭdapadobna, budzie paharšacca i nadalej».
Ad imia šeraha niedziaržaŭnych arhanizacyj Andrej Alaksndraŭ źviarnuŭsia da jeŭrastrukturaŭ i ŭradaŭ krain Jeŭrasajuza z šeraham prapanovaŭ: prykłaści ŭsie mahčymyja dypłamatyčnaja namahańni dla vyzvaleńnia źniavolenych, zamarozka ŭdziełu Biełarusi ŭ Uschodnim partniorstva i prahramach techničnaha supracoŭnictva ź ES u ekanamičnaj, enerhietyčnaj i tranśmiežavaj śfierach da vyzvaleńnia i prybirańnia kryminalnych źvinavačańniaŭ sa znviavolenych, pačatak niezaležnaha mižnarodnaha rasśledvańnia padziejaŭ 19–20 śniežnia.
Aprača taho, Andrej Alaksandraŭ zaklikaŭ ES źviarnucca da biełaruskich uładaŭ z zaklikam ustrymacca ad vyklučeńniaŭ studentaŭ z univiersitetaŭ i hramadzianaŭ z pracy za ŭdzieł u mirnaj demanstracyi pratestu, a taksma prybrać vizavyja košty za šenhienskuju vizu.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary