Sioleta Biełaruś płanuje atrymać uradžaj u 10 młn ton ziernia
U 2011 hodzie Biełaruś płanuje atrymać uradžaj u 10 młn. ton ziernia. Pra heta paviedamiŭ ministr sielskaj haspadarki i charčavańnia Michaił Rusy 15 lutaha na pasiadžeńni prezidyuma Saŭmina pa pytańniach raźvićcia ahrapramysłovaha kompleksu i praviadzieńnia viesnavoj siaŭby.
Ministr zaznačyŭ, što ŭ 2011 hodzie APK ustupaje ŭ novy inavacyjny etap raźvićcia. Jon nahadaŭ, što pierad halinoj pastaŭleny «napružanyja zadačy», raspracavana stratehija i taktyka raźvićcia APK, pryniata 18 halinovych prahram, u jakich raśpisany ŭsie padychody pa pracy pradpryjemstvaŭ.
U 2011 hodzie pierad APK pastaŭlena zadača dasiahnuć rentabielnaści prodažu na ŭzroŭni 6–8%, pavysić pradukcyjnaść pracy na 9–10%, źnizić mietałajomistaść pradukcyi na 1,1%.
Dla zabieśpiačeńnia hetych paramietraŭ, pavodle słoŭ Rusaha, nieabchodna vyrabić nie mienš jak 10 młn. ton ziernia, 7,5 młn. ton bulby, 4,2 młn. ton cukrovych burakoŭ, 60 tys. ton ilnovałakna, 870 tys. ton masłanasieńnia rapsu. Taksama płanujecca atrymać bolš jak 2 młn. ton aharodniny i narychtavać travianych karmoŭ bolš jak 6,5 młn. ton karmavych adzinak.
Rusy padkreśliŭ, što statystyčnyja danyja studzienia 2011 hoda «pakazvajuć stanoŭčuju dynamiku raźvićcia haliny»: pry płanujemym tempie vytvorčaści sielhaspradukcyi 104,8% faktyčna zabiaśpiečany temp 106,1%.
U miežach prahramy raźvićcia APK taksama idzie praca pa budaŭnictvie i rekanstrukcyi abjektaŭ.
Pavodle słoŭ Rusaha, u 2011 hodzie namiačajecca budaŭnictva 72 kompleksaŭ, paetapnaja rekanstrukcyja i techničnaje pieraasnaščeńnie 102 kompleksaŭ pa vytvorčaści śvininy, madernizacyja 236 i budaŭnictva 76 novych małočnatavarnych fierm. Pačata rekanstrukcyja i madernizacyja schoviščaŭ dla aharodniny.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary