Namieśnica staršyni MF učora skončyła znajomicca sa svajoj kryminalnaj spravaj.
Namieśnica staršyni «Maładoha Frontu» litaralna ŭčora skončyła znajomicca sa svajoj kryminalnaj spravaj.Jaje materyjały, kaža Nasta, zajmajuć 30 tamoŭ. Čamu Rymašeŭskaha i Pałažanku abjadnali z kiraŭnikami «Havary praŭdu», dla samoj dziaŭčyny zahadka:
Pałažanka: «Tut niama nijakaj łohiki, lepš jaje nie šukać. Taho ž Paŭła Sieviarynca abjadnali z „chartyjcami“. Ja ździŭlena, bo pieršapačatkova
ja mierkavała, što ŭ majoj spravie fihuravali tolki proźviščy Rymašeŭski i Dźmitryjeŭ. Ja dumała, što nas troch abjadnoŭvajuć u adnu spravu, moža, dziela taho, kab dać bolš miakkija prysudy, paśla ich dziejańniaŭ, a mianie — bo ja dziaŭčyna.Ale zaraz pieramiašali ŭsich: tam budzie spadar Niaklajeŭ, jaki pad chatnim aryštam, Fiaduta, jaki ŭ SIZA, ludzi, jakija znachodziacca pad padpiskaj. Usich razam pasadziać na adnu łavu padsudnych».
Na dumku Pałažanki, spravu pačnuć razhladać jašče niachutka. Na nastupnym tydni materyjały mohuć pieradać u sud. A sudździa, miarkuje maładafrontaŭka, budzie ich čytać jašče miesiac.
Pałažanka: «Kožny tom, napeŭna, jak ceły pakunak papiery A4. A niekatoryja navat bolš. Ščyra kažu, što ja navat nie čytała bolšaść z hetych tamoŭ, bo ja nie źbirajusia hublać na heta čas. Tam zbolšaha roznyja dakumienty, jakija nie majuć dačynieńnia da majoj asoby, nie majuć dačynieńnie ŭvohule da pierson».
Dziaŭčyna kaža, što da materyjałaŭ spravy pastaviłasia spakojna i viny svajoj pryznavać nie źbirajecca.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary