Kraina, dzie niama złačynnaści

«U Vašym bačańni demakratyi šmat padobnaha da našaj vizii», - takim čynam vykazaŭsia ambasadar Turkmienistanu ŭ Biełarusi što da palityki sp. Łukašenki. Taki svojeasablivy napaŭ-kamplimient, napaŭ-zaachvočvańnie da ŭdaskanaleńnia. Maŭlaŭ, pakul što nie daciahvajecie da sapraŭdnych turkmienskich standartaŭ.

Biełaruś i Turkmienistan vielmi časta sustrakajucca ŭ pary. Turkmienistan razam ź Biełaruśsiu byŭ pryličany da 11 krain śvietu, jakich «Repartery biaź miežaŭ» vyznali vorahami Internetu. Biełaruś dy Turkmienistan razam znachodziacca ŭ apošniaj čvertcy rejtynhu pa voli słova ŭ krainie dy pa pravoch čałavieka. Adzinaje, pa čym my apiaredžvajem Turkmienistan – heta pa indeksie čałaviečaha raźvićcia (u rejtynhu jakoha my stała kocimsia dołu) dy pa kolkaści ŭviaźnienych na 100 000 nasielnictva (napieradzie tolki ZŠA dy Rasieja).

Turkmienistan – adzinaja kraina byłoha Źviazu Rad́zieckaha, jakaja, znachodziačysia ŭ SND, uviała vizavy režym sa svaimi byłymi partniorami. Nia ŭ tym prablema, što hetuju vizu ciažka prydbać – ambasady Turkmienistanu dy Tadžykistanu bolš nahadvajuć bazarny dzień u Kabule, čym dziaržaŭnuju ustanovu – nakolki dobra handlujeśsia, nastolki j tańniej viza abydziecca. Tolki zaraz mała chto pamiataje, što ŭviadzieńnie vizavaha režymu supravadžałasia ultymatumam da niebarak, chto mieŭ padvojnaje hramadzianstva: abirajcie niešta adno. Abraŭšym niepravilny (to bok nie turkmienski) bok prapanoŭvałasia ŭ 72 hadziny pakinuć krainu, na likvidacyju majomaści davałasia 24 hadziny. Kali nie paśpieŭ – byvaj, kvatera / dom / krama, chto što mieŭ. Situacyja tady napiałasia nastolki (dahetul pamiataju lozunh «Turkmienbašy supakojać kałašy»), što čakali kali nie napadu rasiejskaha vojska ŭ Turkmienistan, dyk chacia b razryvu rasiejska-turkmienskich stasunkaŭ z Ašhabatam dy publičnaj abstrukcyi turkmienskaha ambasadara. Ale ž nie. Nacyjanał-balšavikoŭ, jakija zachapili pryjomnuju prezidentu Rasiei, AMAP vykinuŭ adtul za ličanyja chviliny, sp. Pucin pramarmytaŭ niešta nieŭpryciam – i ŭsio.

Kali havorka išła pra dziesiatki tysiačaŭ rasiejskich hramadzian, u jakich barbarskim čynam była adniataja majomaść dy ledźvie nia žyćci, rasiejski ŭrad nia vielmi vypinaŭsia. Aryšt čatyroch vyviednikaŭ u susiedniaje krainie spryčyniŭsia da masavaj abstrukcyi Hruzii z zabaronaj luboha tranzitu praz supolnuju miažu. Haz vyrašaje ŭsio. Rasiejski ŭrad pa-raniejšamu abaraniaje tolki samoha siabie (darečy, što stałasia z vyviednikam, zasudžanym u Katary za zabojstva sp. Jandarbijeva dy pieradadzienaha Rasiei? Nichto nia viedaje).

Pryhadvaju jašče adnu padzieju taho času: dzieści dva hady tamu Turkmienbašy aficyjna zajaviŭ, što ŭ krainie niama złačynnaści. Z hetaj pryčyny adziny ŭ Ašhabacie izalatar byŭ pieraŭstalavany pad dziciačuju balnicu (cikavaja kanviersija). Ale ŭsio roŭna znachodzilisia ludzi, jakija nia viedali pra słovy vialikaha Ŭładara, i ŭsio roŭna, pa svajoj nieadukavanaści praciahvali rabavać. Vieźci takich davodziłasia ŭ Tašaŭz – nie taki prasunuty haradok, dzie była jašče złačynnaść, u čornym «varanku». A jakaja letam tempieratura ŭ Turkmienistanie? La piacidziesiaci ŭ pryścienku. Kolki šlachu da Tašaŭzu? La čatyroch hadzin: spadar Turkmienbašy nikoli nie zamaročvaŭ siabie budaŭnictvam novych daroh. Jakoha koleru varanok? Dakładna, čornaha. Kali niebaraka vyžyvaŭ paśla takaje vandroŭki – jon padpisvaŭ absalutna lubyja pryznańni dy dakumienty, jakija jamu padsoŭvali dobryja dziadźki – śledčyja.

Najvialikšy biznespartał Turkmienistanu http://www.businessturkmenistan.com/ sustrakaje samotnaj abjavaj pra spryjańnie adkryćciu filijaŭ zamiežnych kampanijaŭ u Turkmienistanie, dy zaklikaje dapamahčy «adčynić filii kampanij Turkmienistanu ŭ zamiežžy». Styl abjavy – jak na mienskim płocie ŭ pačatku pierabudovy.

Sajt dziaržaŭnaha prapanoŭcy servisaŭ Internetu http://www.online.tm/ rekamienduje dla najlepšaha prahladu vykarystoŭvać madem Sportster 28.8, ci vyšej. Dyzajn sajtu vidavočna vykonvaŭsia ŭ kahości na kalenie.

Voś adzin z materyjałaŭ z sajtu Niezaležnaha Instytuta Eŭrazijskich Ekanamičnych dy Palityčnych daśledvańniaŭ http://www.iicas.org/.

Žanočaja dola ŭ epochu Turkmienbašy: Ja, Zulfija Atdajeva, vziałaś za piero, čtoby rasskazať o riealnom połožienii žienŝin v Turkmienistanie na svojem primierie. Mnie 36 let, okončiła piervyj Moskovskij miedicinskij institut, vrač, rabotaju v poliklinikie v Tašauzie. Imieju troich dietiej. Moj muž, vysokokvalificirovannyj inžienier-stroitiel, vot užie piatyj hod biez raboty. Skolko raz za eto vriemia on obraŝałsia v raźličnyje stroitielnyje orhanizacii – vsie biespolezno: tam čuť li nie každyj dień – kadrovyje pieriestanovki, sokraŝienija i t.p., a iz niemnohich častnych stroitielnych kompanij bolšinstvo užie obankrotiliś, tak kak za vypołniennuju rabotu płatiť im nie toropiatsia. Biednyje rabočije, v łučšiem słučaje, połučajut za svoj rabskij trud hroši – 150 tysiač manatov (około 7 dołłarov), kotorych nie chvatajet dažie na to, čtoby obieśpiečiť sieḿju dažie chlebom.

Anivodnaha sajtu dziaržaŭnych vorhanaŭ kiravańniu tak i nie adčyniłasia….

Pamiataju, kali byŭ u apošni raz u Kunduzie, patrapiŭ na miascovaj televizii na tranślacyju pasiedžańnia ŭradu Turkmienistanu. Ujavicie siabie taki doŭhi stoł, namienkłaturny, jakich bieźlič u našych dziaržaŭnych vorhanach. Z adnaho tarca, valjažna razvaliŭšysia ŭ fateli, siadzić Turkmienbašy. Ministry zhurtavalisia–źbilisia la adnoj sa ścienak, stajać ledź nia vyciahnuŭšysia strunkaj. Minsitr, što daje spravazdaču, padychodzić da nievialikaje trybuny, i, sumieŭšysia, uciahnuŭšy hałavu, pačynaje niešta havaryć, ale paśla dvuch skazaŭ jaho pierabivaje Turkmienbašy. Valjažna zybajučy palcam, jon tłumačyć niebaraku, jak «treba rabić». A toj tolki kivaje.

Internet u krainie nie raźvivajecca – heta bačna pa kolkaści resursaŭ, jakija pracujuć, pa ich jakaści dy chutkaści. Turkmienskaj movy ŭ suśvietnym siecivie nia ŭbačyš. Sajty dziaržustanovaŭ pamierli. Niezaležnych partałaŭ amal što niama. Tolki Eŭrazijski Instytut dy Hundohar (http://www.gundogar.org/) dajuć niejkuju infu na toje, što tam adbyvajecca.

V nojabrie turkmienistancy vniezapno stołknuliś s novymi praviłami oformlenija vyjezda za rubiež. Kak vyjaśniłoś, otnynie vyletajuŝije sootiečiestvieńniki pri posadkie na riejs dołžny priedostavlať pohraničnikam razriešitielnyje dokumienty ot miestnych otdielenij vnutrieńnich dieł. Triebovanija o priedostavlenii aviapassažirami spravok propisany v śpiecialnoj instrukcii, połučiennoj hosudarstviennoj kompanijej «Turkmienchovajołłary» (Turkmienskije avialinii) iz apparata priezidienta. Cirkular rasprostranien na vsiech pohranično-tamožiennych postach riespubliki. Tiepieŕ vsie žiełajuŝije vriemienno ili navsiehda pokinuť stranu dołžny obratiťsia v miestnoje policiejskoje otdielenije i piśmienno zaprosiť razriešienije na vyjezd za priedieły hosudarstva. Rajonnyj otdieł policii v tiečienije 10 dniej provieriajet dannyje prositiela v informacionnom cientrie MVD, kuda stiekajetsia pieriečień zaprietnych familij iz vsiech pravoochranitielnych orhanov i Ministierstva nacionalnoj biezopasnosti….

….Kak soobŝił «DN» istočnik iz Ašchabada so ssyłkoj na siekrietnyj formular, čiernyj śpisok v svoju očieried́ takžie podielen na dvie časti: v odnoj vriemiennoje ohraničienije (do 5 let) na vyjezd za priedieły strany, v druhoj zapriet na pieriedvižienije nie tolko vnutri strany, no i vyjezd iz nasielennoho punkta (obłasti, rajona i dažie horoda ili sieła). Obyčno v śpiski nievyjezdnych, formirujemyje Ministierstvom nacionalnoj biezopasnosti po priamomu ukazaniju diejstvujuŝieho priezidienta Saparmurata Nijazova, vnosiatsia ciełyje sieḿji.

Niekalki miesiacaŭ tamu rasiejskija medyi paviedamili pra aryšt supracoŭnicy Radyjo Svaboda, a praź niekalki dzień – jaje siamji, syna dy dački. Praz try dni aryštavanaja była prysudžanaja da šaści hod kancłahieru, da jakoha jana nie dajechała: astrožny ŭrač kanstatavaŭ śmierć ad «sardečnaha napadu». Supadzieńnie? Z radzieckim časam.

Ruchnama – kniha, napisanaja Turkmienašy, apošnim časam zamianiaje zaniatki ŭ škole. U Dziaržaŭnym Muzei (za naviedvańnie jakoha treba płacić) śćviardžajecca, što ŭsie ludzi vyjšli ad turkmien. Ci jość miaža čałaviečamu marazmu?

«U pryncypie, zaraz nikomu niama spravy da turkmienaŭ», - havoryć miascovy supracoŭnik adnaje z zachodnich ambasadaŭ. U bližejšyja hody vielmi naiŭna było b čakać ŭźniaćcia pytańnia Turkmienistanu ŭ ramkach instytutaŭ AAN dy EZ. Ustanoŭka zachodnich emisaraŭ – padtrymlivać dyjaloh, nie pahladajučy na ŭnutranuju śpiecyfiku režyma, i takim čynam spryjać demakratyčnym źmienam u krainie «załatoj epochi». Turkmienskija ŭłady razhladajuć takoje staŭleńnie jak indulhiencyju na ŭsiedazvolenaść, jakuju Zachad prapanuje ŭ abmien na dasiah da turkmienskich enierharesursaŭ. Takoje mierkavańnie padtrymlivajuć i pačaściełyja vizyty eŭrapiejskich dy amierykanskich čynaroŭ u Ašhabat (tut nielha nie pryhadać vizyty j enierhietyčnaha ministra ŭrada sp. Juščanka «za hazam»), jakija padobnyja bolš na kamiercyjny zandaž, što zaryjentavany na prasoŭvańnie biznes-planaŭ zachodnich dziaržaŭ. Turkmienistan usio bolš razhladajecca jak enierhietyčnaja strachoŭka dla Rasiei. I bahataja na naftu, haz kraina ŭčyniaje što joj zaŭhodna sa svaimi hramadzianami, prymajučy cikavaść da jaje z boku Rasiei, Eŭropy, Złučanych Štataŭ jak vidavočnuju cikavaść da svajho hieapalityčnaha stanu. A šahrenievaja skura pravoŭ turkmienaŭ praciahvaje ściahvacca…

Fota - Tukrmenistan.ru

Eolonir

• 0
• 0
• 0
• 0
• 0
• 0
• 0
• 0