Sud nad Niaklajevym. Dzień vośmy

Praciah sudovaha pracesa nad eks-kandydatami ŭ prezidenty Uładzimiram Niaklajevym i Vitalom Rymašeŭskim, a taksama Alaksandram Fiadutam, Andrejem Dźmitryjevym, Siarhiejem Vaźniakom, Nastaj Pałažankaj. Im pahražaje da troch hadoŭ pazbaŭleńnia voli (art. 342). Za ŭdzieł u Płoščy ŭžo asudžanyja 30 čałaviek, u tym liku eks-kandydat u prezidenty A. Sańnikaŭ na piać hadoŭ kałonii ŭzmocnienaha

režymu

U sudzie abvieščany pierapynak da 10.00 17 maja.

18:00

Dopyt Sieviarynca skončany. Paśla jaho advakat Niaklajeva padaŭ chadajnictva ab dałučeńni da spravy zvarotu rasijskich akcioraŭ, u jakim jany prosiać sud być abjektyŭnym, padobnaha zvarotu rasijskaha Pen-centru, lista Jaŭhiena Jaŭtušenki, zvarotu 22 biełaruskich pismieńnikaŭ i paetaŭ. A taksama vypisku ź miedycynskaj karty Niaklajeva sa źviestkami ab jaho chvarobach.

Prakuror vystupiŭ suprać dałučeńnia da materyjałaŭ spravy miedycynskaj daviedki. Niaklajeŭ jaho padtrymaŭ: «U mianie ŭsio dobra sa zdaroŭjem».

Sudździa admoviłasia dałučyć da spravy list Jaŭtušenki. Inšyja dakumienty dałučyć pahadziłasia.

17:45

Sieviaryniec: «Nu voś ujavicie, što Vińnikava pieramahła na „Jeŭrabačańni“, sabrałasia paśla hetaha na Kastryčnickaj 50 tysiač čałaviek, kab adśviatkavać. Tak što, ich usich u turmu?».

Paŭłu zadavali pytańni i padsudnyja. Uładzimir Niaklajeŭ pačaŭ svaje pytańni da Sieviarynca sa słovaŭ: «Rady vas, Pavieł, bačyć u jakaści śviedki, a nie padsudnaha. Heta redka byvaje».

17:30 — 17:35

Pavieł Sieviaryniec zaśviedčyŭ, što šeścia pa poaśpiekcie Niezaležnaści na adnajmiennuju płošču nie płanavałasia. Jon taksama abvierhnuŭ źviestki abvinavačańnia ab nakiravanym praryvie łancuha supracoŭnikaŭ DAI na Kastryčnickaj płoščy. «Vital zaklikaŭ usich pavodzić siabie aściarožna, prystojna, nie paddavacca na pravakacyi… Heta było asabliva składana paśla navinaŭ ab źbićci Niaklajeva», — paviedamiŭ sudu Pavieł Sieviaryniec.

17:25

Videaprahladaŭ siońnia bolš nie budzie praz techničnyja prablemy. Sudździa Žukoŭskaja pieraniesła ich na zaŭtrašni dzień.

Razam z tym jana abmierkavała z abaronaj i prakuroram mahčymaść dopytu Paŭła Sieviarynca ŭ jakaści śviedki. Pprakuror vystupiŭ suprać hetaha, advakaty i abvinavačanyja — za. Sudździa chadatajstva zadavoliła. Pavał uvajšoŭ u zalu.

17:17

Iznoŭ techničnyja prablemy. Videa nie prajhrajecca.

17:00

Demanstrujecca televystup Vitala Rymašeŭskaha.

16:55

Pasiedžańnie adnaviłasia tolki zaraz. Techničny supracoŭnik prynios u zalu inšy noŭtbuk. Sprabuje naładzić prahlad videazapisaŭ.

16:09

Niaklajeŭ pahladzieŭ videa i zaznačyŭ: Tut bačna, što kandydataŭ pazbavili mahčymaści arhanizavać Płošču. Vina lažyć na Kulašovie i jaho ludziach».

Zaraz budzie demanstravacca vystup Rymašeŭskaha pra BT. Jon taksama vystupiŭ z chadajnictvam ab dałučeńni da spravy videa. jakoje jon prynios u sud na dysku. Videa zdymali žurnalisty. Prakuror vystupiŭ suprać, sudździa taksama. ««Nieviadoma, chto i kali źniaŭ heta videa», — skazała jana.

Techničnyja prablemy ź videa. Pierapynak.

15:45

Videa z Kastryčnickaj płoščy. Ludzi na im hukajuć «Žyvie Biełaruś!». Bačna, jak kandydaty pačynajuć ruch z prystupak Pałaca prafsajuzaŭ.

15:42

Praces adnaviŭsia tolki zaraz. Padčas pierapynku ŭ zału znoŭ uvajšoŭ Sieviaryniec. Advakat Rymašeŭskaha padaŭ chadajnictva ad dopycie Paŭła ŭ jakaści śviedki. Sudździa paprasiła Paŭła vyjści i pačakać pakul nie skončycca prahlad videa.

14:40

Zaraz demanstrujecca videa videaapieratara NN Taćcianu Haŭrylčyk, źniataje na Kalektarnaj padčas napadu na kałonu Niaklajeva. Na im dobra čuvać vybuchi, kryki ludziej. Zatym bačnyja kadry sa źbitym i nieprytomnym Niaklajevym.

Videa NN z Kalektarnaj pakazali całkam, biez abrezak. Zaraz pačaŭsia prahlad videa z Pryvakzalnaj, dzie svaju kałonu zbtraŭz Rymašeŭski.

Novaje videa — z płoščy Niezaležnaści. Vystupajuć Sańnikaŭ, Pałažanka i Rymašeŭski. Patrabujuć svabodnych vybaraŭ

Pačali pakazvać videa šeścia pa praśpiekcie.

Techničnyja prablemy. Pierapynak na 7 chvilin.

14:37

Nastupnaje videa z Kastryčnickaj viečara 19 śniežnia. na im vystupy Sańnikava, Kastusiova i Dźmitryjeva.

14:14

Nastupnaje videa. Na im padčas sustrečy z vybarcami ŭ Mazyry pramaŭlaje Viktar Harbačoŭ.

14:10

Pasiadžeńnie praciahvajecca. Prysutnym pakazvajuć videa sustrečy Vaźniaka z vybarcami.

Zała amal zapoŭnienaja. Padčas pierapynku da suda pryjazdžaŭ Pavieł Sieviaryniec — sustrakaŭsia z Rymašeŭskim i Pałažankaj, ale na praces nie pajšoŭ.

12:34

Na trecim vystupie, jak i na pieršych dvuch, bačna, što Niaklajeŭ zaklikaje ludziej mienavita na mirnuju akcyju. Jon nieadnarazova paŭtaraŭ heta, adkazvajučy na pytańni ludziej na sustrečy ź im.

Nastupny videazapis z udziełam Vaźniaka. Jon vystupaje na sustrečy z vybarcami. Ale adbyŭsia techničny zboj, prahlad pierarvaŭsia, i sudździa abviaściła pierapynak na 14:00.

12:17

Pačynajecca prahlad jašče adnaho videa.

12:10

Televystup Niaklajeva skončyŭsia čytańniem vierša: «Ja pryjšoŭ, kab vy pieramahli». Častka prysutnych na pracesie pačali apładziravać, ale takija svavolstvy spyniła.

11:57

Sudździa Žukoŭskaja prypyniła razhlad sustrečy Niaklajeva z vybarcami. Zaraz prystunym pakažuć zapisy jaho vystupaŭ pa BT.

11:40

Praces adnaviŭsia. Sudździa zahadała Dźmitryjevu začynić noŭtbuk i pakłaści jaho za śpinu Niaklajevu. Prahlad videa sustrečy Niaklajeva z vybarcami praciahnuŭsia.

11:28

Pałažanka paprasiła pierapynka na 5 chvilin, sudździa dazvoliła.

10:59

Prahlad videa praciahvajecca, videa dosyć nieprafiesijnaje, amal biez mantažu. Mahčyma, heta sproby videafiksacyi śpiecsłužbami.

Sa słovaŭ Dźmitryjeva, advakataŭ pierad pačatkam pasiadžeńnia papiaredzili, što siońnia mohuć pačacca sudovyja sprečki. Heta vyklikała ździŭleńnie ŭ abaronu i samich abvinavačanych.

10:10 Sudździa paviedamiła, što pieršym paznačany DVD z zapisam televystupu Niaklajeva pa BT. Zaraz pakazvajuć momanty z vybarčaj kampanii. Naprykład, vystup pierad vybarščykami ŭ Barysavie.

9:55

Ludzi pacichu zapaŭniajuć zału suda. Prysutničajuć zamiežnyja dypłamaty, pradstaŭniki ABSIE.

Pryciahnuli ŭ zału vielizarny płaźmienny televizar dla prysutnych, u sudździ — noŭtbuk. Siońnia budzie prahladacca videa.

• 0
• 0
• 0
• 0
• 0
• 0
• 0
• 0